濟航喺下星期三 (6月26號下午2點) 開賣年度大優惠！仲首度開賣至明年3月出發，由香港/澳門出發單程價錢都係一百蚊咋！10月27日至20年3月28日出發，單程飛濟州$100 (來回連稅$875 起)，首爾$100 (來回連稅$908 起)，澳門單程首爾MOP100 (來回連稅MOP915 起)！航班時間最正係凌晨機去晚機返，但記得價錢仲未包行李架！
黎到星期一HKExpress優惠！單程$98無哂影喇，真係慘！20年5月18日前出發，來回東南亞$196、台灣$236、日本$416、韓國$436 起！連稅計台中$790、芽莊$848、鹿兒島$991、釜山/濟州$1,076、熊本/長崎$1,091！價錢大致都係咁，真係唔係好買得落手！優惠已經開賣中！
濟州航空聽朝9點開賣暑假平飛！7至8月出發，單程飛首爾$290 起 (來回連稅$1,288 起)、濟州$545 (來回連稅$1,765 起)！航班時間又可以凌晨機去晚機返，但價錢得首爾叫做搶得下，但要開賣先知好唔好彩搶到暑假旺季飛喇！記得價錢未包行李呀！
4月之後，國泰終於推出韓國優惠啦，今次仲要全年都有！12月18日前出發，來回首爾$1,464 (連稅$2,253)！照樣航班時間任揀，凌晨機去晚機返無難度，仲包30KG 行李，掃貨掃到手軟都唔驚呀！
Monday望到HK Express又係買去送回，心情真係blue到一個點！20年5月11日前出發 (視乎航點)，來回台灣$328、東南亞$398、日本/韓國$598 起。連稅計台中$882、芽莊$950、峴港$997、曼谷/清萊/清邁$1,028、熊本/石垣島$1,093！連台中連稅都要$882，咁緊係買番傳統航空算！最多一陣9點開賣時睇下日子係咪合眼緣先啦～
近排啲韓元係咁跌，真係心郁郁想飛轉去首爾瘋狂購物呀！10月31日前出發，大韓航空來回首爾$1,410 起 (連稅$2,117)，價錢包埋23KG 行李同韓式拌飯飛機餐，航班時間仲可以凌晨機去晚機返呀！除咗韓元大跌好吸引外，10月中打後仲係紅葉盛放日子，仲唔把握機會計劃個首爾賞楓購物團！
釜山航空一個月都有一次Early Bird優惠架啦，但好耐無試過賣單程$240，通常都要$290、$350呀！今次來回連稅後只需$1,152。佢地嘅航班時間絕對無得輸，勁靚凌晨機去晚機返，但就唔包行李囉！加行李約每程俾多$283蚊啦！
濟州航空呢排都幾進取，除咗尋晚同大家介紹個務安優惠之外，宜家又有秋天出發嘅優惠喇！9至10月出發，單程飛首爾$290 起 (來回連稅$1,287 起)、飛濟州$435 (來回連稅$1,584 起)！航班時間可以揀返凌晨機去晚機返，大把時間睇靚景！優惠已經開賣！
話咁快又過咗一個月，可以開開心心等出糧喇！今個星期HKExpress一樣有優惠，來回東南亞$196、台灣$236、日本$416、韓國$436 起！連稅計台中$790、清萊$826、芽莊$848、石垣島$911、熊本$1,091！價錢同埋之前差唔多，一定唔算平，但想飛都可以買嘅！優惠陣間9點開賣！
去韓國去到悶悶地，想發掘下新地方，濟州航空呢個澳門出發嘅優惠就岩晒你！限6月份出發，澳門來回務安$603 (連稅$1,172)！航班時間仲要幾靚，凌晨機去晚機返，岩晒base澳門嘅fans！