聖誕香港好去處2024｜邊個話要出國先可以過聖誕？留喺香港都有好多唔同嘅聖誕活動可以參與，仲有好多聖誕裝飾等你打卡！以下小編就整理幾個特色聖誕好去處，等大家喺香港都感受到濃厚嘅聖誕氣氛！
唔使飛去瑞典都感受北歐聖誕氣氛！今個聖誕，IKEA 於沙田 HomeSquare 帶來北歐森林童話小鎮。由即日起至2025年1月1日，沙田 HomeSquare L1 中庭會設有多個聖誕主題打卡位，包括4米高 IKEA 枕頭聖誕樹、北歐森林童話打卡場景等。聖誕小鎮亦會售賣11款限定美食，消費更可獲不同禮遇，千祈唔好錯過！