AirAsia即將推出Super+ Premium計劃，俾咗年費之後全年無限次直飛泰國、馬來西亞等地，一律唔使俾機票錢，只係需要俾票價以外嘅稅項同埋附加費。呢個計劃將會喺12月5日早上10點開始發售，聽落幾適合一年要飛幾次呢啲國家嘅人！
宜家暫時未有航空公司復辦香港直航去馬爾代夫嘅航線，大多數都要去曼谷或者新加坡等地方轉機。好消息黎啦！新航空公司BeOnd將會推出直飛馬爾代夫 (馬累) 嘅航班，佢嘅一大賣點就係使用全商務艙嘅空中巴士A321neo，並且為乘客帶黎一系列嘅豪華服務。啱晒有budget想去個奢華旅行嘅旅客！