仁川機場交通｜仁川機場到明洞交通｜OLIVE YOUNG自推出免費乘坐6701號機場豪華巴士「OLIVE YOUNG Express」後，深受遊客歡迎，之前反應熱烈曾暫停開放，宜家開放預約至1月31日！遊客只要提前預約，可免費由仁川機場直達明洞。此外，乘客亦會加送護膚品及OLIVE YOUNG優惠券，最近會到首爾旅遊的話就記得提前預約喇！
大家對上一次去韓國旅行係幾時？可能係疫情前或者從來都無去過？Plan咗準備去韓國旅行嘅你，仲記唔記得點樣搭車往返仁川機場？唔記得唔緊要，小編就幫大家整合左往來仁川機場嘅交通攻略，幫大家重溫一下！包括機場鐵路AREX、機場巴士及私人包車， 去之前就記得做定功課啦！提提大家，出發之前最緊要記得整K-ETA啊！