呢個星期HK Express終於有啲誠意，部份航點都幾抵買！20年6月15日前出發 (視乎航點)，來回東南亞$196、台灣$216、日本$356、韓國$376 起。連稅計台中$770、清萊$826、石垣島$851、鹿兒島$951、濟州$956！今次算係真優惠，濟州/鹿兒島都幾值得入手！優惠陣間9點開賣！
平機票
眼見之前長榮出咗個超抵劈價，華航都唔執輸，即刻追住減啊！8至11月出發，來回台北只需$578 (連稅$1,226)！今次優惠連稅千二蚊就飛到轉，比起平時再平咗少少，仲可以早機去晚機返啊！嚟緊想平飛台北嘅朋友又多個選擇喇！
皇家約旦航空出咗個罕有優惠，俾大家超平直飛安曼！9月至20年3月出發 ，使用折扣代碼後，直航來回安曼$2,392 (連稅計$3,800)！直航飛安曼真係好少有減，平時就算想轉機飛過去都無咩選擇，呢個價錢真係好抵啊！票價已包23KG行李！
聯合航空呢排真係成日都有驚喜俾大家，岩岩佢地又有漏網美國平飛，飛洛杉磯連稅最平三千二有找！限9月4至5日出發，使用折扣代碼後，來回洛杉磯$1,300 (連稅$3,181)；9至12月其他日子出發，都係$1,950 (連稅$3,857)！呢個價錢夾岩日子出發真係無得頂啊！ 票價已包2件23KG 行李，可以瘋狂去outlet掃平袋，兼且去反轉環球影城喇！
尋日同大家介紹咗長榮個台北超抵價，宜家小編發現佢暑假都好抵飛啊！7至8月出發，使用折扣代碼後，來回台北只需$1,024 起 (連稅$1,674 起)！暑假旺季呢個價錢飛到去台北堅係抵！優惠可以早去午回，如果想玩盡啲假期晚機出發都係加多$80 起！難得有暑假last minute平飛，各位爸爸媽媽可以自制親子遊學團，帶小朋友出去見識世界喇！
正呀！汶萊皇家航空又有新航線，嚟緊會開航去布里斯班呀！7月29日至11月30日 (旺季除外)，來回澳洲布里斯班只需$2,010 (連稅$3,298)。雖然開航價錢咁平，不過票價都包30KG 行李，暑假尾都有少量日子可以出發架！
呢排韓風減價戰無停過！大韓亦都加入減至二千樓下！10月31日前出發，大韓航空來回首爾$1,206 起 (連稅$1,991)，價錢已包23KG 行李，航班時間仲可以凌晨機去晚機返！秋天遊首爾當然要賞下花，仲可以跟住小編之前介紹睇粉紅夢幻芒草架！
嘩！堅係無得輸！中國國際航空岩岩開航法國尼斯線，出咗個超爆抵優惠！限八月出發，使用折扣代碼後，來回法國尼斯$800 (連稅$2,568)！一張日本嘅機票價錢已經可以飛到去法國，仲要係暑假出發去南法小鎮！票價已包23KG行李！留意今次優惠要係北京轉機，買定唔買自己話事！
堅抵啊！長榮罷工事件岩岩落幕，就即刻出咗個激劈價俾大家！11月30日前出發，使用折扣代碼後，來回台北只需$530 (連稅$1,153)！以五星長榮嚟講，呢個價錢真係超平，好耐都無見過喇！今次優惠仲有好多航班時間選擇，可以早機去晚機返，仲有熱餐同埋30KG 行李！指定航班仲可以坐到Hello Kitty機添，正到爆啊！
港航個北海道優惠延續咗不特止，仲平咗少少添！9至11月出發，使用折扣代碼後，來回札幌只需$2,730 (連稅$3,423)！呢個價錢直航飛北海道算係唔話得，而且航班時間可以早機去下午機返，玩盡個假期又唔算太辛苦！成日聽人講北海道有幾正，今次就不如自己飛過去感受下喇！