4月之後，國泰終於推出韓國優惠啦，今次仲要全年都有！12月18日前出發，來回首爾$1,464 (連稅$2,253)！照樣航班時間任揀，凌晨機去晚機返無難度，仲包30KG 行李，掃貨掃到手軟都唔驚呀！
平機票
Monday望到HK Express又係買去送回，心情真係blue到一個點！20年5月11日前出發 (視乎航點)，來回台灣$328、東南亞$398、日本/韓國$598 起。連稅計台中$882、芽莊$950、峴港$997、曼谷/清萊/清邁$1,028、熊本/石垣島$1,093！連台中連稅都要$882，咁緊係買番傳統航空算！最多一陣9點開賣時睇下日子係咪合眼緣先啦～
維珍澳洲航空同澳航孖住減回港平飛！20年2月17日至3月17日出發，悉尼/墨爾本直航來回香港$1,800 起 (連稅計悉尼$2,799、墨爾本$3,122)。各位留澳Fans又可以返香港一轉，票價仲包埋2件23KG 行李俾大家買多啲手信！未入手澳航套飛就睇下維珍呢套岩唔岩啦！
話說之前睇到一段兵馬俑酒店嘅片，真係令小編笑唔停啊！無論係想去住兵馬俑酒店，定係去睇兵馬俑，中國東方航空都有平飛帶你去！12月31日前出發，來回西安只需$654 (連稅$1,118)！呢個價錢都幾抵，重點係連聖誕都有得平！票價已包20KG 行李同餐飲，分分鐘仲有得食Haagen Dazs雪糕添！
今次唔係坐Thai Smile，堅係泰航自己減價呀！6月30日前出發，來回曼谷$900 (連稅$1,596)！數數手指都有成4個月無出咁抵嘅優惠啦～票價已經包咗30KG 行李，而且有唔少週末遊平飛，航班時間亦都FIT哂打工仔，所以唔使理「那有假」，飛咗先算啦！
6除咗中東三大寶，宜家飛倫敦仲有一寶，就係皇家汶萊航空啦！11月22日前出發，來回倫敦只需$2,450 (連稅$4,465)！票價包30KG行李，比歐洲航空或者中東三寶都要多架！不過買機票時留意，記得預留返多1日假，因為轉機時間都要等幾長，當去埋汶萊半日遊囉！
講起北海道，相信唔少人都心思思想飛返轉，大韓航空岩岩就開咗首爾飛旭川新航線，可以俾多個新選擇大家飛北海道！9月30日前出發，經首爾轉機來回旭川只需$2,568 (連稅$3,311)！淨係見到連稅三千三飛北海道已經夠晒吸引，想停埋首爾食韓燒都係加約六百蚊！去北海道唔使次次飛札幌咁悶喇！
澳航今日再發放直航回港平飛！今次悉尼仲跌到連稅2千7有找！勁爆抵囉！2020年2月17日至3月17日出發，坐澳航澳洲直航來回香港$1,927 起 (連稅計悉尼$2,652、墨爾本$2,966)！票價已包30KG 行李，呢個價錢可以坐直航返港真係好抵呀！停留期限都有2個月，夠哂時間同親朋好友聚舊啦！
樂桃同埋香草合併後，終於有第一個香港出發優惠！6至10月出發，樂桃航空單程飛沖繩/大阪$148 起 (來回連稅計沖繩$702 起、大阪$1,041 起)！今次優惠價錢同埋上次基本上一樣！小編都係果句，沖繩連稅七百必搶，大阪就可以再諗諗喇！優惠後日凌晨開賣！
近排啲韓元係咁跌，真係心郁郁想飛轉去首爾瘋狂購物呀！10月31日前出發，大韓航空來回首爾$1,410 起 (連稅$2,117)，價錢包埋23KG 行李同韓式拌飯飛機餐，航班時間仲可以凌晨機去晚機返呀！除咗韓元大跌好吸引外，10月中打後仲係紅葉盛放日子，仲唔把握機會計劃個首爾賞楓購物團！