ANA|全日空|ANA東京優惠|ANA 全日空 All Nippon Airways 又再推東京優惠,經Hutchgo 用指定信用卡預訂,來回東京羽田$1,972 起(來回連稅$3,300 起),平飛主要集中係9至10月!同上次一樣繼續送2程內陸機,可以飛埋日本其他城市玩!來回札幌連稅都只係三千四!不過今次只係得羽田有減價,時間上無咁好,但呢個價包2件23kg寄艙行李同免費內陸機,真心抵!
Tag:
日本紅葉
HK Express早前就因為廣島機場地勤人手不足為由,暫緩復飛廣島航線。近日有日本媒體報導廣島縣政府計劃今年重啟往來香港及越南嘅國際航班。消息指HK Express 將會於今年10月下旬至25年3月下旬復飛。而外界就擔心廣島機場有否足夠能力應付加開多兩條國際航線,縣政府就表示將會加強對廣島機場嘅支援。暫時HK Express就尚未開賣廣島航線,確實復飛日子就有待公佈。
最新出爐!日本紅葉見頃預報有得睇喇!因為今年天氣比較熱,所以連紅葉見頃嘅預測日子都稍微推後咗,暫時札幌最早,11月頭就見頃,東京、大阪、名古屋為12月頭,福岡為12月中。大家如果今年想去日本賞楓又未買機票嘅話,記得留意返見頃嘅日子啊!