近排啲美國直航優惠都無咩聲氣，拿起手都要5千蚊！唯有投向轉機懷抱喇，而首選小編會揀長榮航空！19年3月31日前出發，使用折扣代碼後，來回三藩市$2,680 (連稅$3,442)！價錢抵唔再講，最正係飛行時間同直航差唔多，落咗機無耐就可以轉機走人，再唔係停多一陣出桃園玩！當然長榮飛咁多美加航線都係一大特點，有得Open Jaw，仲可以玩足一個月咁耐添呀！
飛紐約嘅機票一向都貴到爆！今次終於等到五星級韓亞航空出優惠！19年6月20日前出發，使用折扣代碼後，經首爾轉機來回紐約$3,300 (連稅$4,243)咋！連稅四千二就有交易！可以去Time Square行下，同埋去百老匯睇歌劇喇！今次優惠唔可以中停首爾，不過都可以揀個轉機時間長嘅航班出去掃下貨嘅！
睇荷里活片睇得多，對拉斯維加斯呢個紙醉金迷嘅地方總會有少少嚮往！而美國航空近排做緊優惠，10月出發，來回拉斯維加斯只需$2,214 (連稅$3,084)！同期對手港航都係做緊咁上下價，不過坐美航有一大好處就係可以儲最少25% avios～儲得幾多得幾多嘛！提提大家，回程平飛真係得好少，而且主要集中月中。
港航又再發動新一輪攻勢！今次飛短線最抵玩，而長期高企嘅東京線價錢終於回落喇，yeah！2019年4月20日前出發 (視乎航點)，來回胡志明市$570 ($1,000)、曼谷$900 (連稅$1,350)、首爾$920 (連稅$1,445)、沖繩$950 (連稅$1,250)、東京$1,250 (連稅$1,690)、大阪$1,250 (連稅$1,720)、峉里島$2,525 (連稅$$2,900)、…
今期Fanfares 都係暑假出發，所以價錢都有啲偏貴呀！出發日期估計係8月中及10月頭，推介既有來回首爾$1,380 (連稅$1,832)、開恩茲$3,480 (連稅$4,487)、華盛頓$3,800 (連稅$4,624)、哥本哈根$3,980 (連稅$4,508)、3日2日套票曼谷$1,680 (連稅$2,130)、馬爾代夫$13,590！馬代呢個價錢真係嚇親人！小編都好想知道究竟係住啲咩酒店…
長榮美加線又有新優惠，價錢唔輸俾直航價添架！19年3月31日前出發，來回洛杉磯/溫哥華$2,666 起 (連稅計洛杉磯$3,474、溫哥華$3,395)。當然對手直航都有呢個價啦，但長榮話哂都係Skytrax 5星航空，服務質素都唔錯，台北-洛杉磯線仲坐到Sanrio牽手機，包2件23KG 寄艙行李仲可以選擇中停台北玩，啲優點數都數唔哂啦！
今期Fanfares 終於有啲睇頭，總共有9個城市加2個套票優惠！最抵玩肯定係首爾$1,280 (連稅$1,732)、大阪$2,080 (連稅$2,553)、巴塞羅那$3,480 (連稅$4,002)，而今期出發日期將會覆蓋7-12月 (視乎航點)！日韓兩個航點首爾同大阪價錢好吸引，連稅分別都係千七同二千五，抵！而直航歐洲飛去巴塞羅那同哥本哈根連稅只需四千咋！岩日子真係要搶！
紐約嘅機票優惠真心好少有，宜家終於等到韓亞有平飛喇！9至12月出發，使用折扣代碼後，經首爾轉機來回紐約$3,300 (連稅$4,380)！仲要係坐五星級嘅韓亞航空，咁就可以平飛一次去睇百老匯歌劇喇！雖然歌劇門票有少少貴，但絕對值得大家去朝聖架！今次優惠唔可以中停首爾，不過都可以揀個轉機時間長嘅航班出去做個汗幕蒸！
又到咗Fanfares 既時候，出發日期係5月頭同6月中，推介既有來回西安$880 (連稅$1,247)、珀斯$2,880 (連稅$3,820)、三藩市$2,980 (連稅$3,804)、班加羅爾$3,480 (連稅$4,005)、倫敦$5,651 (連稅$5,651)！當中梗係珀斯最抵啦！三千尾連稅喳喎！至於個兩個套票就麻麻了！
Older Posts