其實 Asia Miles 唔止可以換國泰航班，喺 HK Express 同樣行得通，甚至可以買到一堆國泰都無嘅航點，包括沖繩、高松、仙台及富國島等！最正係 HK Express 嘅「里數加現金」功能非常靈活，除咗買機票，仲可以用里數加錢買埋寄艙行李、預選座位同餐飲服務等，最低只需1,000里已經可以用！內文教大家用里數買 HK Express 機票，彈性飛去各個亞洲熱門航點出遊啦！
平時想換機票，最怕就係里數唔夠或者想飛位已滿？其實國泰航空官網「里數加現金」，就最岩以上旅人！好多人以為呢個功能令里數貶值一定唔抵，但其實係大錯特錯！特別係國泰推出機票優惠時，用「里數加現金」所需嘅里數隨時同標準獎勵機票差唔多，仲邊賺會籍積分同里數，絕對係保住會籍嘅跑分神器！