今個星期HK Express個優惠有啲驚喜，幾乎所有航點都有減！20年6月22日前出發 (視乎航點)，來回台灣/東南亞$176、日本$356、韓國$376 起。連稅計台中$730、芽莊$768、石垣島$851、鹿兒島$891、釜山/濟州$956、首爾$990、熊本$991等！今次好多航點都好抵，韓國三個航點都唔使一千！優惠陣間9點開賣！
可能係之前韓亞減得太勁，搞到大韓都忍唔住將啲票價一減再減！8月28至9月26日出發，坐大韓航空來回首爾只需$1,150 (連稅$1,809)。價錢已包23KG 行李，仲有好多航班時間選擇，可以凌晨機去晚機返！雖然出發日期好短得一個月，但呢段時間咁岩就係太陽花嘅旺季，可以衝過去夢幻太陽花海打卡喇！
濟航開賣暑假八月限定平飛，係真唔真一陣開賣睇下啦！限8月出發，濟州航空單程飛首爾/濟州$290、澳門單程飛首爾$305 起 (來回連稅計濟州$1,254、首爾$1,288 起、澳門首爾$1,326)！價錢以暑假旺季出發算係幾抵，無論去首爾定濟州都可以揀凌晨機去晚機返！不過優惠未包行李，諗清楚先好訂！優惠陣間9點開賣！
上次HK Express難得地出咗個幾抵嘅優惠，今個星期又再出返買來回機票送去程，即係又貴返喇嗚嗚嗚！20年6月22日前出發 (視乎航點)，來回台灣$328、東南亞$398、日本/韓國$598 起。連稅計台中$882、芽莊$950、熊本/石垣島$1,093、釜山/濟州$1,178 等！都係果句，岩時間嘅話都可以入手嘅！優惠陣間9點開賣！
嘩！岩岩坐係office嘅小編真係大叫咗一次出嚟！韓亞突然再推激抵價平飛，連稅千四飛首爾，真係堅堅堅堅平啊！7月至10月出發，來回首爾$700 (連稅計$1,408)！同上兩次一樣價錢，搶到就等於賺到喇！平到唔識形容啊啊啊！今次一樣暑假都有平，但凌晨機去晚機返已經無咩飛，想飛就即刻去搶喇！價錢已包埋23KG 寄艙行李同餐飲！
濟航岩岩上個星期先出過優惠，今個星期又再接力，想去韓國嘅朋友有福喇！限9月出發，濟州航空單程飛首爾/濟州$290 起 (來回連稅計濟州$1,256、首爾$1,289 起)！價錢算係幾抵，而且航班時間超級正，無論去首爾定係濟州都可以揀凌晨機去晚機返，9月尾仲有機會睇到紅葉添！留意返優惠未包行李架！優惠陣間9點開賣！
呢個星期HK Express終於有啲誠意，部份航點都幾抵買！20年6月15日前出發 (視乎航點)，來回東南亞$196、台灣$216、日本$356、韓國$376 起。連稅計台中$770、清萊$826、石垣島$851、鹿兒島$951、濟州$956！今次算係真優惠，濟州/鹿兒島都幾值得入手！優惠陣間9點開賣！
呢排韓風減價戰無停過！大韓亦都加入減至二千樓下！10月31日前出發，大韓航空來回首爾$1,206 起 (連稅$1,991)，價錢已包23KG 行李，航班時間仲可以凌晨機去晚機返！秋天遊首爾當然要賞下花，仲可以跟住小編之前介紹睇粉紅夢幻芒草架！
12/7 15:13 更新 100個名額已用完 優惠結束 正呀喂！韓亞再推bug價連稅千四飛首爾，今次要鬥快搶得100名額呀！8月1日至9月30日出發，來回首爾$700 (連稅計$1,411)！同上次一樣抵到太過份，仲要暑假八月出發有平兼凌晨機去晚機返，包埋23KG 寄艙行李同餐飲！今次有哂心理準備可以到時齊齊搶飛啦！
終於等到釜山航空出Big sale喇！一年得兩次咁抵嘅sale架咋！10月至20年3月出發，釜山航空單程飛釜山$130 起 (來回連稅計$934)！連稅九百飛到釜山堅係抵，航班時間仲係凌晨機去晚機返添！小編見到平飛唔算多，要搶就快喇！