作為Travel Bubble 既第一站，本身對佢期望唔算高，諗住快啲過呢五日就好了！點知呢個島都有啲驚喜比到小編 (話晒呢度曾經都有直飛香港航班)。由4月1日開始，大家唔需要再嚟呢度隔離，但係都可以考慮去以下嘅景點，不妨將浮羅交怡放入你嘅行程計劃之中。
四季酒店係人都知正！今次帶大家跳出香港，睇下除左香港之外，外國既四季brand點豪法啦！馬來西亞西北面浮羅交怡嘅四季酒店擁有私人海灘，延綿1.6公里。酒店總共有91間房間，包括入門級房型花園景觀，即使是基礎房型已經設有私人戶外浴池；有不少別墅設有私人泳池及沙灘；而頂級帝國海灘別墅更設有三間房間和私人大泳池！Resort面積實在太龐大，所以出入都需要叫車 (即係哥爾夫球車 Buggy)。