政府宣布5月5日起堂食放寬至八人一枱，泳池及沙灘重開，戶外活動及郊野公園可免戴口罩。5月19日起酒吧、卡拉OK 亦將會重開。好多酒店泳池都係大家去staycation一定會去打卡嘅地方！至於住邊間好？今次小編就整合咗11大酒店打卡泳池一次過推介俾大家，仲連埋每間酒店嘅優惠資料添！
帝苑酒店推出超抵嘅優悠住宿餐飲計劃套票，連米芝蓮推介Le Soleil 越南餐廳雙人三道菜晚餐都只係$999 起 (連服務費$1,098.9 起)！三道菜晚餐包前菜、主菜及甜品，可以試到西貢春卷、越南香露燒三文魚、燒法國春雞、海鮮蕃茄湯米線等，套餐原價都要$556+10% 架！帝苑酒店仲有頂層空中恆溫泳池，足足有25米長，記得去游水打卡喇！