小編喉咗呢套平機票好耐，有睇過<<春光乍洩>>應該會好想去黎耀輝同何寶榮嘅愛情之地，不過睇戲容易，等機票減價就好難，萬萬聲點捨得去喎！好彩喺19年7月20日前出發 (視乎航空公司)，乘坐聯合航空來回阿根廷布宜諾斯艾利斯$5,641 (連稅$6,900) 、加航$6,458 (連稅$7,385) 起！
平機票
幾日前ANA全日空已經預告推出驚喜優惠！名古屋連稅價唔使2千3，必搶史上新低價呀！19年5月31日前出發，來回名古屋$1,850、東京$2,500 (連稅計名古屋$2,290、東京羽田$2,940、成田$2,943)。價錢已經包咗2件23KG 行李，可享受埋ANA嘅優質服務同飛機餐！優惠可以Open Jaw，一於入手以上兩個航點玩住先啦！
加航終於都出下優惠喇！而且今次仲坐到全新推出嘅波音787 夢幻客機，連稅唔使四千添！12月6日前出發，直航來回溫哥華$3,343 (連稅$3,955)。以上價錢已包咗2件23KG 行李同飛機餐，不過平飛就集中係11月。加航話哂用全新787客機，呢款機艙仲提升濕度，咁以後坐直航都無咁辛苦同乾噌噌啦！
樂桃最近好進取再出大阪回程優惠！19年3月19日前出發，大阪單程返香港$208 起 (連稅及手續費約$353)！價錢回升返，但就買到明年3月前出發。記住要去返日本網站或英文網站先訂到，今晚11點開搶！
國泰再將泰國線一齊減價，仲賣到下年3月喇！19年3月31日前出發，來回曼谷$1,160 (連稅$1,614)、布吉$1,900 (連稅$2,354)！國泰勝在包30KG 行李，而且兩條線嘅航班時間都可以早去傍晚機返！都係個句趁收燃油附加費前入定飛plan定個泰好玩trip啦！
基本上秘魯機票跌到6字頭都值得留意喇！19年5月20日前出發，乘坐ANA+聯合航空來回利馬$5,744 (連稅$6,862)！如果唔坐ANA飛東京轉機，改坐哂聯合航空喺美國轉機會平多$60蚊，而且可以喺農曆新年期間出發，好似去程19年2月6日，回程2月12日打後都係咁平！
韓國賞楓唔一定去首爾，濟州一樣靚到爆炸！而且濟州航空推出個超超超超超級抵優惠，11月出發，單程飛濟州只需$160 起 (來回連稅$740)咋！航班時間凌晨機去晚機返，真係可以睇到盡一盡！其實首爾線都叫做有減，單程飛首爾$260 (來回連稅$975)，始終唔及濟州線吸引，不過見到飛唔係好多咋！
港航除咗星期一朝早嘅Flash Sale，仲有一個好抵飛嘅越南優惠！12月15日前出發，使用折扣代碼後，來回胡志明市$400 (連稅$888)！另外官網亦有開賣河內優惠，來回河內$570 (連稅$1,042)！雖然胡志明市航班時間差差地，晚機去凌晨機返，但套用係週末遊就見使喇！不過今次個優惠無得Openjaw，即係只可以打是但一個地方主意啦！
國泰直航澳洲又有靚價優惠！19年7月31日前出發，直航來回澳洲$3,130 起(連稅計墨爾本$3,963、悉尼$4,055)咋！平時坐廉航轉機過去澳洲都要二千幾，宜家直航包埋行李都唔係差好遠！仲要係坐國泰！出發日期去到下年七月，可以買定慢慢計劃行程喇！
長榮航空嘅台北平飛再黎喇，趁加價前入定貨啦！19年3月31日前出發，來回台北$686 (連稅$1,123)。平飛數量充足，航班時間仲可以揀早去晚返添！不過就限星期日至三出發，週末遊要加多$120，而價錢已包咗30KG 行李。一講起台北就諗起鹽酥雞、珍奶同台式麻辣火鍋，好肚餓好想食呀！
