近排啲美國直航優惠都無咩聲氣，拿起手都要5千蚊！唯有投向轉機懷抱喇，而首選小編會揀長榮航空！19年3月31日前出發，使用折扣代碼後，來回三藩市$2,680 (連稅$3,442)！價錢抵唔再講，最正係飛行時間同直航差唔多，落咗機無耐就可以轉機走人，再唔係停多一陣出桃園玩！當然長榮飛咁多美加航線都係一大特點，有得Open Jaw，仲可以玩足一個月咁耐添呀！
平機票
北歐航空個歐洲優惠禾桿冚珍珠，原來仲有咁多抵玩嘅航點！19年5月24日前出發，使用折扣代碼，來回冰島雷克雅未克$3,850 (連稅$4,952)！總之飛冰島跌穿五千都係入手價，而且今次套飛可以玩到去下年5月，即係大家鐘意喺冬天出發又得，春夏出發又得，得咗！但係平飛唔係好多套，甚至有啲一個月先得一套！小編已經抄哂所有平飛日子俾大家，跟住搵應該無難度喇！
如果有多幾日大假，下次不妨考慮下去澳洲喇！19年7月31日前出發，使用折扣代碼後，國泰航空直航來回澳洲$3,510 起 (連稅計墨爾本$4,356、悉尼$4,447、布里斯班$4,614)！呢個價坐國泰飛澳洲算係平！最吸引係連暑假七月都有平，而且可以open jaw，喺悉尼睇完歌劇，再去埋墨爾本睇企鵝仔先走！唔洗行回頭路就可以玩盡成個trip喇！
新加坡航空有個超超超長期嘅歐洲優惠！網頁寫賣到2020年4月，即係睇岩慢慢諗先買都未遲呀！不過暫時見到都係搵到19年6月21日前出發嘅平飛，四人同行來回阿姆斯特丹/米蘭每人$3,240 起 (連稅阿姆斯特丹$3,815、米蘭$3,865)！坐新航平過4千都叫做okay，不過佢仲有一樣野勁okay就係停留期張有成3個月咁長～Sem Break歐遊同學仔真係夠哂時間玩，一大班人出發仲開心！
蒙古航空優惠賣到明年暑假喇，唔使捱住凍去睇藍天草原呀！2019年7月18日前出發，使用折扣代碼後，直航來回蒙古烏蘭巴托$3,300 (連稅$3,403) 起，最平價錢並非每個月都會搵到，有可能會貴多$100蚊左右！仲有小編建議大家喺3月份後先好出發，因為10月開始轉凍，而烏蘭巴托貴為世界上最寒冷嘅首都，冬天溫度約零下十度到至零下三十度之間，分分鐘變冰條架！
突發！十級抵抵抵抵抵抵抵！1月出發，Jetstar單程飛日本只係$150 起咋 (來回連稅東京$664、大阪$771)，而新加坡單程都係$150 (來回連稅$826)！真係平到趺渣，六嚿水飛日本，而且Jetstar行李費亦都係平中之霸，東京航班時間亦都唔差！不過講咗咁多，大家記得要登記做會員先可享到優惠價！
飛紐約嘅機票一向都貴到爆！今次終於等到五星級韓亞航空出優惠！19年6月20日前出發，使用折扣代碼後，經首爾轉機來回紐約$3,300 (連稅$4,243)咋！連稅四千二就有交易！可以去Time Square行下，同埋去百老匯睇歌劇喇！今次優惠唔可以中停首爾，不過都可以揀個轉機時間長嘅航班出去掃下貨嘅！
阿聯酋航空曼谷優惠延長兼且再平多啲啲，上次miss咗就把握今次機會喇！19年1月28日前出發，使用折扣代碼後，來回曼谷$1,050 (連稅$1,413)！舒舒服服坐足全程都唔算太貴，而且包30KG行李～比起有時淨係包20KG So咗好多呀！
Scoot推出新優惠仲賣到去下年10月尾添！俾成年時間你plan夠長未？19年10月26日前出發，來回馬爾代夫$1,582 起 (連稅$1,941)！好耐無見價錢落到二千樓下，不過新加坡同澳洲線真係唔使睇，除非你只要張單程飛去啦！官網宜家開賣緊，有興趣就快啲入手喇！
HK Express星期一繼續有優惠！即買即出發！台灣連稅只需$671！12月10日前出發 (視乎航點)，單程飛台灣$138、東南亞$158、韓國/日本$238 起。連稅計台中/花蓮$671、石垣島$731、峴港$749、釜山/濟州$896、廣島/高松/鹿兒島$891、首爾$933、名古屋/東京羽田$1,089。當中台灣線/芽莊同石垣島最抵玩，一陣9點開賣啦！
