國泰跟推新加坡優惠，仲要賣得幾平下呀！9月24日前出發，二人同行來回新加坡每人$969 (連稅$1,497)！票價包30KG 行李，不過回程航班時候有限制，一係等凌晨回程，一係清晨6點回程！所以小編建議大家都係加多廿雞坐午機返黎算喇～旅行本來就係嘆！仲有今次優惠可以暑假尾出發～不妨趁小朋友做完暑期作業後去返轉旅行喇！
平機票
英航一年內出優惠嘅次數真係5隻手指都數得哂，所以大家想舒舒服服飛英國就要把握機會喇！19年6月15日前出發，直航來回倫敦$3,762 (連稅$5,331)！票價比轉機價貴多少少，不過航時間就靚百倍，晚機出發，清晨抵達目的地！當然想過白色聖誕及新年都係貴多$500蚊，參考日子12月24日去程，回程19年1月3日，仲有好多大假嘅不妨諗諗佢！
香港航空全年優惠賣到4月尾！連稅都係千一鬆啲！19年4月29日前出發，來回台北$760 (連稅$1,144)！由此之終都係要比對手平少少，而且今次唔係啲爛鬼時間，可以揀早機去晚機回程，所以都Okay架！
哈！哈！黎到最後一回買來回去程1蚊！如果唔係趕住8月尾及9月出發！下面啲內容可以索性Skip左去！19年7月12日前出發，來回台灣$399、東南亞$399、韓國$599、日本$799 起，連稅計花蓮$724、清邁$865、釜山/濟州$1,019、塞班$1,191、名古屋$1,252！見到過千都唔想郁手！係咁先～～優惠一陣9點開賣！
今次新航將新加坡線平飛大減價！連稅千五就坐到星級航空！正呀！8月20日至9月12日出發，二人同行來回新加坡每人$1,000 (連稅$1,527)，價錢已包30KG 寄艙行李。航班睇返供應仲可以早機去晚機返，而且暑假尾仲有少量平飛架。新加坡唔少景點都好岩親子遊，好似科學館、Kidzania 職業體驗城等小朋友一定鍾意，趁最後機會快啲入手啦！
新西蘭嘅夏季宜人，溫度維持二十多度左右，最岩就係去挑戰一連串極限活動！咁岩得咁橋新西蘭航空近排做緊優惠，12月9日前出發 (視乎航點)，乘坐經濟艙來回奥克蘭只需$4,900 (連稅$5,582)！體驗kiwi機上服務及美酒佳餚，仲可以簡便接駁20個新西蘭內陸目的地！又或者加購獨家大受歡迎空中梳化Skycouch，由三張經濟艙座椅組成，拉起腳墊變成平坦椅面，俾你挨足全程機，唔怕坐到腳痺啦！當然想再嘆…
長榮美加線又有新優惠，價錢唔輸俾直航價添架！19年3月31日前出發，來回洛杉磯/溫哥華$2,666 起 (連稅計洛杉磯$3,474、溫哥華$3,395)。當然對手直航都有呢個價啦，但長榮話哂都係Skytrax 5星航空，服務質素都唔錯，台北-洛杉磯線仲坐到Sanrio牽手機，包2件23KG 寄艙行李仲可以選擇中停台北玩，啲優點數都數唔哂啦！
漢莎航空個年度優惠，愈掘愈多好正兼好玩嘅航點，原來除咗飛歐洲，飛摩洛哥一樣有平！2019年5月31日前出發，使用折扣代碼後，來回馬拉喀什$1,930 (連稅$3,764)！咪住！呢個地方聽落有啲陌生，但其實呢度仲多野玩過卡薩布蘭加，馬拉喀什又名「紅城」 ，係摩洛哥旅遊中心，平時成日係照片見到嘅大型跳蚤市場Jemma el Fna都係呢度，而外圍核心就係撒哈拉沙漠！
澳洲航空將基督城一賣到下年5月，想遊覽花園城市一於出發啦！19年5月31日前出發，來回基督城$3,523 (連稅$4,174)！連稅四千一蚊就飛到轉紐西蘭南島，抵呀！基督城有別於位於奧克蘭嘅北島，以大自然風光聞名，大家可以係Avon River泛舟或漫步欣賞下大自然花草景色，或者睇下19世紀嘅哥德式建築架！
黎到第二回HK Express買來回去程1蚊！19年7月10日前出發，來回東南亞$399、日本$799 起 (連稅計芽莊$785、石垣島$853、廣島/高松/鹿兒島$1,053、東京羽田$1,251、東京成田$1,253)。今次只賣越南同日本航點，以芽莊/石垣島一向低價可以入手，其他價錢真係睇到媽媽聲！優惠一陣9點開賣！
