今日越航官網推出限時優惠呀！19年3月30日前出發，來回胡志明市/河內$560 (連稅計胡志明市$988、河內$1,028)！暑假機票黎講，真係平到跌渣！加上越南物價咁平，可能唔使3千蚊就去到轉旅行喇，岩哂一眾心癢嘅Trip精！票價仲要包咗行李及小食，亦可以不同城市來回，分分鐘抵玩過LCC架！
平機票
光陰似箭，唔經唔覺又過咗一個月，釜山航空嘅Early Bird優惠又蒲頭喇！10月份出發，單程飛釜山$500 (來回連稅$1,417)！票價包咗可以喺十月一假期出發都So far so good嘅～而平日出發不妨考慮下其他喇！但有一個sad sad地嘅消息，以往會包20KG行李，宜家得返15KG咋，OMG～5KG帶少好多零食！
如果想去中東旅遊，約旦係其中一個入門好地方！宜家仲出咗個罕見優惠！9月至19年3月出發，使用折扣代碼後，坐皇家約旦航空來回約旦安曼只係$2,280 (連稅$3,235)。平時就算轉機都要四千蚊先有交易！約旦以失落嘅佩特拉古城同埋死海聞名於世！背後嘅故仔真係講三日三夜都講唔完！呢張機票停留日期有成45日咁長，玩完約旦仲可以順便陸路去埋以色列耶路撒冷朝聖架！
今期Fanfares 終於有啲睇頭，總共有9個城市加2個套票優惠！最抵玩肯定係首爾$1,280 (連稅$1,732)、大阪$2,080 (連稅$2,553)、巴塞羅那$3,480 (連稅$4,002)，而今期出發日期將會覆蓋7-12月 (視乎航點)！日韓兩個航點首爾同大阪價錢好吸引，連稅分別都係千七同二千五，抵！而直航歐洲飛去巴塞羅那同哥本哈根連稅只需四千咋！岩日子真係要搶！
JetStar Japan六歲生日喇！今日決定賣大包，推出平到無朋友嘅機票，係四毫！四毫！四毫子咋！10至12月出發，日本內陸機全線單程6 Yen 起，加埋500 yen手續費，連埋稅先係約港幣$36 起咋！完只係半碗拉麵嘅價錢～媽呀！超誇張呢！不如索性送埋張機票俾大家，而且所有航點都有做優惠！其中熱門航線包括東京去大阪同埋沖繩都係6 Yen 起！如果之前買咗openjaw機票，或者想去啲無香港無…
紐約嘅機票優惠真心好少有，宜家終於等到韓亞有平飛喇！9至12月出發，使用折扣代碼後，經首爾轉機來回紐約$3,300 (連稅$4,380)！仲要係坐五星級嘅韓亞航空，咁就可以平飛一次去睇百老匯歌劇喇！雖然歌劇門票有少少貴，但絕對值得大家去朝聖架！今次優惠唔可以中停首爾，不過都可以揀個轉機時間長嘅航班出去做個汗幕蒸！
宜家要飛到被譽為世界上最詩情畫意既馬達加斯加都唔使5千蚊呀！9月1日後出發，使用折扣代碼後，坐毛里求斯航空來回馬達加斯加安塔那那利佛$2,600 (連稅$4,717) 起！價錢真係唔錯！不過有別於以往優惠，無得加多少少錢中停毛里求斯，要同這個top 5蜜月勝地擦身而過喇！
今日小編搵到個驚喜組合，4程歎足港航商務艙，唔使5千蚊！仲要係正暑假出發～而其他航空econ暑假出發都要成4千幾喇～即日起，台北來回香港＋香港來回東京$3,390 起 (連稅$4,635) 起！除東京外，大阪/札榥/沖繩等等同樣岩用！而連接台灣果個trip，小編建議不妨用飛行里數或者近近地去澳門飛，買套tigerair機票都唔係話好貴！如有唔明白地方，禁落去睇埋更多詳情喇！
濟州航空將會係聽日開賣年度super sale！想去韓國既話一定唔可以錯過！10月至19年3月出發，香港/澳門單程飛首爾只需$100 (來回連稅計香港出發$652，澳門出發$803)咋！包埋15KG 行李票價都係$475(來回連稅計香港出發$1,402，澳門出發$1,553)！航班時間仲係凌晨機去晚機返添！呢個價錢你唔係唔搶掛？聽日下就四點記得要捕住個mon喇！
唔好以為聽日紅日就可以訓晏啲呀！因為聽朝9點鐘有真航空年度大促銷，迫大家早起搶平飛呀！雖然維持一貫神秘作風，一日未開賣一日都未知價！不過玩咗咁多次，之前都係賣緊香港/澳門來回首爾$700 起 (連稅$1,156 起)～今次估計都係呢個價喇！票價包15KG行李同機上小食，不過留意返，真航空無得加購行李限額，一旦爆磅就GG喇 ，逐KG 10,000 KRW (約$70) 咁計！預咗會豪買嘅，認真諗諗搶…
