平機票

今期fanfares只得7個城市同2個套票優惠！不過有東京連稅2千5，飛羽田仲近市區好方便！其他推介航點包括來回連稅金邊$1,908、西雅圖$5,346！連2晚酒店套票曼谷都係$2,339、峇里$3,590！價錢都唔錯！

快閃地首選之一，曼谷一定有份，埃及航空再延長泰平飛曼谷優惠！20年1月25日前出發，來回曼谷只需$345 (連稅$1,123)！價錢包埋23KG行李同餐飲，航班時間晚機去午機返，pack完行李係夜晚即出發，好想瘋狂食芒果糯米飯呀！

HK Express啲優惠嚟嚟去去都係咁，呢排咁多Black Friday優惠，真係完全被比下去啊！20年10月24日前出發 (視乎航點)，來回台灣$196、東南亞$236、日本$316、韓國$336 起。連稅計台中$724、芽莊$765、釜山$892、長崎/熊本$953、濟州$972！不過咁，小編覺得連稅一千左右都可以考慮下嘅！優惠陣間9點開賣！

呢排啲歐洲航空公司真係好鬼馬，不斷出唔包行李嘅輕裝飛歐洲平飛，考驗下大家嘅忍手功力！漢莎/瑞士航空跟隨法國航空/KLM劈價，20年2至4月出發，來回歐洲$ 1,430 起 (來回連稅計克拉科夫/華沙$2,578、尼斯$2,582、布達佩斯$2,588、布拉格$2,603、斯德哥爾摩$2,606)！呢個價錢真係好抵啊！不過如果想加行李嘅話，來回總共要加一千蚊，大家記得留意埋呢點啊！

今年美加機票優惠真係賣少見少！不過偶然都有啲美國, 加拿大直航驚喜平機票！想知宜家美加機票幾錢先值得入手？等小編將最低價同入手價逐一話你地知啦！

ANA呢個Black Friday優惠真係好誇張！堅係抵！一定要搶啊！20年9月24日前出發，ANA全日空來回大阪/東京$1,486 起 (連稅計大阪$2,343、東京成田$2,804、東京羽田$3,097)！Woooooo！連稅二千三就坐到ANA喇！超級抵買！價錢仲已經包埋2件23KG 行李添！出發日期去到下年9月，想幾時出發都無問題啊！

黑色星期五優惠又點會少得樂桃份！樂桃推出來回連稅七百蚊去日本優惠啊！12月11日至2020年3月19日出發 (視乎航點)，香港單程飛沖繩$180、大阪$200 起 (來回連稅計沖繩$772、大阪$895 起)！沖繩當然係十分平啦，大阪貴少少但係可以早去晚返，其實都超級抵架！優惠準時11月30日00:00開賣呀！

曼谷真係一個去極都唔厭嘅地方，成日都會發掘到新事物！阿聯酋航空有個優惠俾大家飛過去再探索，20年6月30日前出發，使用折扣代碼後，來回曼谷$830 (連稅$1,568)！今次雖然比之前貴咗少少，但小編發現有部份日子連住紅日都有平！今次可以拎少一兩日假，試下坐A380客機喇！

Black Friday真係有好多優惠啊！樂桃航空都有個限時72小時嘅返港優惠！20年3月19日前出發 (視乎航點)，沖繩單程返港$173、大阪單程返港$208 起 (連稅計沖繩$354、大阪$429 起)！呢排啲yen平返唔少，可以趁平入手回程飛先，之後再補去程機票去血拼！優惠聽晚9點開賣！

之前同大家介紹咗德威航空將會開通飛濟州嘅新航線，岩岩小編發現佢個開航優惠再平咗少少！12月20日至2020年3月28日出發，香港單程飛濟州$200 起 (來回連稅$1,073)！時間方面靚到爆，係凌晨機去晚機返！想要15KG寄艙行李可以買「智能票價」，來回連稅$1,593，比淨買行李仲要平！