又到冬天，有咩正得過去北海道滑雪！韓亞航空罕有地出咗個雪季平飛，劈到去連稅三千咋！20年3月31日出發，經首爾來回札幌只需$2,175 (連稅計$3,064)！平時飛北海道，就算係淡季轉機都要三千幾，今次喺滑雪旺季十二月至三月都有平真係好難得！優惠價錢已包咗23KG 寄艙行李同餐飲，想去首爾食下野嘅話都可以揀個轉機時間長啲嘅航班啊！
平機票
韓亞呢個Dream Fare優惠真係無限loop，宜家再度連稅千5有找飛首爾啦！11月20日至20年1月20日出發，來回首爾只需$800 (連稅$1,480)，包埋23KG行李仲可以凌晨機去晚機返！優惠名額加到有200個，雖然機會大咗都要同人鬥快，記得係星期3下午3點準時官網搶飛呀！
澳航今次開賣早鳥平飛，而且出發日子仲包埋暑假添！20年9月15日前出發 (視乎航點)，來回澳洲各大城市2,860 起 (直航連稅計墨爾本$3,757、布里斯班$3,833、悉尼$3,853；經轉機朗塞斯頓$4,011、荷伯特/阿德萊德$4,021 起)，票價已包30KG行李，優惠亦可以open jaw揀唔同城市出入。直航早鳥價的確吸引，而且4千頭仲可以飛去睇粉紅極光呀！
港航首爾線再度激減，重點價錢係包埋30KG行李丫麻！12月17日前出發，來回首爾$527 (連稅$1,207)。航班時間限晚機去早機返，宜家last minute 可以去一轉買下秋冬衫呀！
HK Express今個星期再推買來回機票去程免費，優惠嚟嚟去去都差唔多！20年10月19日前出發 (視乎航點)，來回台灣$208起、日本$358起、韓國$378起。連稅計台中$740、芽莊$781、清邁$851、石垣島/鹿兒島$855、釜山$935、高松$975！算係不過不失，優惠陣間9點開賣！
呢排有唔少曼谷優惠，連泰國微笑航空都加入戰團，仲要一口氣賣到去下年六月添！20年6月30日前出發，來回曼谷只需$920 (連稅$1,639)！優惠已包30KG行李！雖然今次唔算好平，但可以提早計劃定下年旅程都唔錯丫！
澳洲航空出手，推出平飛俾大家返香港啊！20年6月3日前出發，維珍澳洲航空悉尼/墨爾本直航返香港只需$1,778 起 (連稅悉尼$2,771、墨爾本$2,906)！今次最低價跌穿埋二千八！票價仲已經包咗2件23KG 行李添！
又多一個暑假出遊好籍口啦！中華航空推出暑假優惠，連稅只係千5有找，可以plan個一家大細親子遊啦！7月9日至8月22日出發，來回台北/台中/高雄/台南$861 起 (連稅計台北$1,482、台中/台南/高雄$1,487 起)。台北/高雄/台中仲可以選擇早去晚返，或者Open jaw 玩哂2個不同城市都得！
Wooooooo！Jetstar Japan推出咗個超瘋狂日本內陸機優惠，最平單程90 Yen 起咋！20年2月27日前出發，東京單程飛札幌、熊本、宮崎、沖繩都係90 Yen (約$6) 起！好似東京單程飛札幌連稅及手續費埋都係1,340 Yen (約$97)！優惠得好少名額，一陣下午5點去搶喇！
嗚啊！韓亞航空又有劈價優惠，今次比Dream Fare更加平，飛首爾連埋稅都唔使千四！12月18日前出發，來回首爾只需$707 (連稅$1,393)！真係好癲，跌破底價無極限！不過航班時間就差差地，只限中午機去早機返！如果想揀其他時間出發，加多二百蚊就得喇！