呢排啲中東3寶歐洲優惠好似靜哂水咁，但好彩仲有卡航推出優惠俾大家飛！12月31日前出發，經多哈轉機來回歐洲各城市$2,041 起 (連稅計米蘭$3,828、雅典$3,865、伊斯坦堡$3,873等)，票價已包30KG 行李同飛機餐！雖然仲有其他航點同步有平，不過大多數都去番4千樓上！優惠亦可以揀不同城市來回，唔走回頭路玩哂兩地啦！
平機票
最近啲美國長線平番唔少！好似美國航空連稅3千1飛洛杉磯！今次到國泰出手一齊減喇！10月3日前出發，直航來回洛杉磯只需$1,690 (連稅$3,692)，價錢仲平過fanfares價！票價仲包埋2件23KG 行李！另外係10月4日後出發，只係加多約$780，直航連稅$4,474！想計劃美國遊就睇下啦！
香港航空呢排出咗個輕遊日本優惠！最抵價連稅千一有找！20年1月15日前出發，港航來回沖繩/米子/岡山只需$420 起 (連稅計沖繩$1,088、米子/岡山$1,385)！話到明輕遊所以只包10KG寄艙行李！不過都可以openjaw玩哂2地，算係咁啦！
有時有個長假期，唔想去咁遠又想玩多一兩個國家，可以一次過玩晒日本同埋韓國都係一個好主意！小編發現易斯達航空有個勁平嘅鹿兒島同埋首爾優惠！20年3月31日前出發，鹿兒島單程飛首爾連稅只需$248 起，掉返轉首爾單程飛鹿兒島都係連稅$310 起！跟住自己再搭配返來回鹿兒島同埋首爾嘅open jaw機票，咁就可以自制一票兩地機票，超平玩盡日本同埋韓國喇！
英航推出歐遊筍飛優惠，打算飛英歐過冬就不能錯過今次既早鳥優惠！20年6月30日前出發，最平來回歐洲各大城市$2,880 起 (連稅計巴塞隆那$4,135、布拉格$4,166、米蘭$4,190、阿姆斯特丹$4,197、羅馬$4,247 等等)，多個航點連稅都係4千頭咋！仲有直航倫敦$3,480 起 (不包寄艙行李連稅$5,013)！另外訂機票+酒店套票享額外85折優惠，好似包3晚巴塞隆那酒店嘅套票筍…
之前小編同大家介紹咗墨西哥航空個南美優惠，原來出發去古巴都有平啊！下年2至6月出發，連稅計首爾來回古巴只需$4,605！加多張千五蚊左右香港去首爾嘅機票，連稅六千幾就飛到去古巴食龍蝦、坐古董車喇！停留時間仲有成一年，可以慢慢玩盡呢個鐵幕共產國度喇！
接近年尾無咩假，總會想快閃去幾日旅行！長榮今日推出台北平飛，係年尾12月20日前出發，來回台北只需$610 (連稅$1,252)，包埋熱餐同埋30KG 行李！想早去晚返其實都只係加多$40，起碼玩足咁多日唔好蝕寶貴假期！另外星期四/五/六出發都係加約$139！想知訂購詳情就入黎啦！
樂桃開賣新一輪沖繩/大阪回程優惠！仲首賣到下年3月尾喇！大家可以買咗日本回程張飛先！10月8日至2020年3月28日出發 (視乎航點)，沖繩飛香港單程3,890円 (約$284)，連稅6,470円 (約$473)；大阪飛香港單程4,490円 (約$328)，連稅7,610円 (約$556)！價錢同上次優惠一樣，不過可以預早plan定下年三月嘅行程！優惠聽晚9點開賣，只限4日咋！
美國航空又有平飛俾大家直航飛洛杉磯啊！限20年2至4月出發，直航來回洛杉磯只需$1,190 (連稅$3,107)！雖然今次無上次咁平，但直航價真係好抵囉！而且已經包咗2件23KG行李，同埋可以儲到三千幾avios 架！
小編岩岩收到通知，緬甸個免簽安排延續到下年9月，可以繼續免簽去呢個隱世國度喇！緬甸航空同時出咗個優惠，9月30日前出發，來回仰光只需$1,596 (連稅2,301)。10月至20年4月15日出發，都係$1,922 (連稅$2,627)！而且聖誕、新年、復活節等紅日都有平！可以好好探索下呢個地方喇！