最近傳統航空同埋廉航都分別勁推首爾平飛，國泰亦都快人一步賣到下年2月啦！20年2月29日前出發，來回首爾$1,508 (連稅$2,218)！價錢已包30KG 行李，而且航班時間任揀，大家最鍾意一定凌晨機去晚機返玩到盡啦！
平機票
正呀喂！話咁快又到Jetstar每月第一個Friday促銷優惠啦！20年3月26日前出發 (視乎航點)，Jetstar單程飛河內/峴港$88、新加坡$188、東京$228 (來回連稅計峴港$608、河內$647、東京$898、新加坡$920)！越南線一向以最平首選，而東京線自從無咗香草後，另一間對手又企硬咁貴！識得買就必定要搶東京，時間夠晒靚之餘，仲賣到去下年3月中架！聽日下午5點即搶！
嘩！！！今次finnair直航赫爾辛基堅係抵！史無前例咁平啊！9至12月出發，芬蘭航空直航來回赫爾辛基只係$3,500 (連稅$3,868)！之前最平最平都只係試過賣到去四千四蚊，宜家再大劈價，連稅三千八就搞得掂，堅係要搶啊！優惠已包23KG 行李，仲儲到2千幾Avios添！
樂桃日本聽晚9點會出限定77小時回程平飛！7月16至10月26日出發 (視乎航點及優惠日期)，大阪單程飛香港2,990円 (約$216 起)，連稅6,070円 (約$438 起)；沖繩單程飛香港3,890円 (約$280 起)，連稅6,430円 (約$464 起)！今次價錢回升番，諗清先考慮入唔入定回程平飛呀！
韓國首爾呢條航線真係爭崩頭，宜家又多間廉航有得飛啦！德威航空t’way宣佈將會開辦香港飛首爾線！7月26日至8月31日出發，估計首航優惠價香港單程飛首爾$500 起 (來回連稅$1,780)！基本票價已包10KG手提行李，時間仲係勁靚凌晨機去晚機返 (其實幾間廉航都係…哈哈)！尋日韓亞個暑假平飛一閃即逝，一陣9點不妨搵下有無飛岩使啦！
作為港人留學同埋旅遊嘅熱點，倫敦真係好少有堅抵嘅優惠！皇家約旦航空出咗個超抵靚價，20年3月25日前出發 ，使用折扣代碼後，來回倫敦$659 (連稅計$3,506)！真係超級抵啊！好耐好耐都無見過三字頭飛倫敦嘅平飛，直情秒殺埋越南航空添！票價已包23KG行李，想搶就入黎睇埋詳情啦！
不得了不得了不得了！真係平到小編講不出聲！韓亞航空官網突然出咗個超超超超抵優惠，7月31日前出發 ，來回首爾$700 (連稅計$1,411)！平到超級誇張！連稅千四真係創韓亞嘅新底價！仲要暑假都有平兼凌晨機去晚機返！真係搵唔到理由唔飛呀！！！ 18:57更新：優惠已結束
ANA同埋日航果然係難兄難弟，繼ANA岩岩出完個五日flash sale之後，日航即刻跟住有減啊！12月18日前出發 ，坐日航來回東京$2,566 (連稅$3,371)！出發日期去到年尾，包埋暑假頭尾、紅葉季同銀杏期都有平！日航出名服務夠晒正，仲包埋2件23KG 行李俾大家掃貨！今次優惠仲儲到千幾asiamiles添！
HK Express啲優惠長期都唔似優惠，不過今次又幾ok！20年6月2日前出發 (視乎航點)，來回來回台灣/東南亞$196、韓國$356、日本$436 起。連稅計台中$750、芽莊$808、清萊$826、石垣島$851、鹿兒島$931、長崎/熊本$991 等！今次大部份航點價錢都平咗唔少，全部一千蚊樓下嘅日本航點都可以即入手！
非洲對大部份人嚟講都幾陌生，不過都有少數國家岩大家去探索下，毛里求斯就係其中之一！宜家毛里求斯航空有個直航優惠，暑假黃金檔期7至8月出發，直航來回毛里求斯只需$3,637 (連稅$4,915)！真係平咗好多，唔使五千蚊就可以直飛東非，平時坐底要七八千蚊架！毛里求斯出名水清沙細，被喻為非洲嘅瑞士，係度假蜜月好地方！票價已包30KG 行李！