國泰好少出日本優惠，有興趣嘅朋友要留意喇！7月11日前出發，來回大阪$2,387 (連稅$3,284)。以國泰嚟講呢個價錢都算唔錯，航班時間選擇亦算多，想玩盡個假期就揀凌晨機或早機去晚機返！而且出發日期長到去七月，想幾時回鄉都得，好彩嘅仲可以睇到少少櫻花添！票價已包咗30KG 行李，咁掃多多手信返嚟都夠位喇！
平機票
想平平地去返轉旅行嘅話，吉隆坡係一個好選擇！馬印航空宜家有個超抵優惠，10月8日前出發，來回吉隆坡只需$694 (連稅$1,098)咋！馬來西亞物價平之餘，仲有唔少美食，例如椰漿飯同埋正宗娘惹菜，真係諗起都食指大動啊！呢個優惠票價已包25KG 行李、餐飲同埋機上娛樂，但平飛唔等人只係賣到去今日，想去嘅朋友要快手喇！
我地不妨睇下今次HK Express新年特別優惠有幾特別＿啦！19年12月9日前出發 (視乎航點)，單程飛台灣$108、東南亞$138、日本/韓國$288 起！連稅計台中$929、清萊$856、布吉$936、石垣島$834、首爾$1,036、福岡$1,084、東京羽田$1,204 等等！價錢的而且確比上周嘅優惠平咗，不過就比以前貴咗唔少，好似石垣島，以前連稅後都係6百幾蚊，宜家已經要$800蚊啦！…
皇家約旦航空嘅曼谷線減得好狠勁呀！6月30日前出發，使用折扣代碼後，來回曼谷只需$460 (連稅$1,162)！廉航都未必做到呢個價，仲要包30KG 大大行李限額！雖然去程時間就麻麻地，但回程都叫做下午4點幾返，夠時間玩多半日！最重要係只要跟住小編寫嘅出發日期，應該都唔難搵到平飛！
每當新年都會想一家人團團圓圓過年，宜家喺加拿大嘅fans都可以喇！5月24日前出發，乘坐加拿大航空由溫哥華直航來回香港$1,885 (連稅$3,652)，以上價錢包咗2件23KG 行李，如果喺3月尾前回港仲坐到787客機舒舒服服飛添！小編仲搵到可以喺年三十出發，初八回程都有平飛，記得買定啲加拿大手信同屋企人拜年啦！
土耳其除咗伊斯坦堡同埋卡帕多奇亞之外，其實仲有好多地方玩架！10月31日前出發，使用折扣代碼後，乘坐卡塔爾航空來回安卡拉只需$2,080 (連稅$3,483)！呢個價錢坐到五星航空去土耳其的確係抵！安卡拉喺土耳其首都，去當地玩又點可以唔順便走一轉呢！果度仲有古城同埋第一任總統嘅陵墓，可以好好參觀下喇！
峇里咁多水上活動可以玩，係唔少發燒友會去嘅旅遊勝地！5月31日前出發，使用折扣代碼後，乘坐新加坡航空來回峇里島$1,537 (連稅$2,029)。除咗水上活動，想再健康啲可以挑戰去行火山睇日出。票價已包30KG 寄艙行李，如果想喺新加坡玩返2日先走，記得訂機票時揀「多個目的地」，加約$270就可以真正中停新加坡喇！
聽朝10點鐘，Jetstar又有限時優惠啦！9月30日前出發，單程飛河內/峴港$128 (來回連稅計峴港$683起、河內$722、)！票價未包行李，所以都係So Far So Good啦，但Jetstar喺眾多廉航入面，行李費算係最平果間，雖然東京航線偷偷地加咗價，不過其他航線20kg行李依舊維持係二百蚊樓下架！飛唔飛up to you～同埋可能日本航線都會減！
Sorry！香港飛美國嘅優惠自從1月1個bug，之後就無咩聲氣，不過本身喺洛杉磯居住就可以搭國泰/美國航空返香港一轉啦！5月23日前出發 (視乎航空公司)，使用折扣代碼後，坐國泰洛杉磯直航來回香港$1,679 (連稅$3,678)、美國航空$1,813 (連稅$3,565)！國泰票價包30KG 行李、美航就包2件23KG 行李，而且美航航班時間又比國泰好！不過輪服務應該國泰好啲嘅，真係好難揀呀！
哈皮撩耳牙～新一年緊係想去旅行轉個大運啦！宜家樂桃推出新優惠，最平來回連稅只需$780！1月17日至3月20日出發，單程飛大阪$200 起 (來回連稅$780)！不過最平回程限早機返，如果想凌晨機去晚機返，每程可加多$60，來回連稅都係$900，唔錯！新一年一於去大阪行個大運求支大吉籤啦！
