澳洲減價戰又再開始，今次就介紹維珍澳洲航空呢套平飛先！6月30日前出發，直航來回墨爾本/悉尼$2,690 (連稅計墨爾本$3,605、悉尼$3,694)，優惠仲可以open jaw選擇不同城市出入，包埋2件23KG 行李買多少少手信都唔怕。
近排都唔知搞邊科，啲機票愈遲買就愈抵！好似澳航直飛悉尼，上星期仲賣緊連稅3千6，點知今日只需$2,299 (連稅$3,353)，拍得住之前Mega Sale嘅價，票價仲包30KG行李！不過今次得悉尼減到咁平，所以Open Jaw都唔使認啦！
唔想錯過悉尼每年一度最大盛事 – 悉尼燈光音樂節，就要留意國泰呢個直航筍價優惠！5至9月出發，國泰航直航來回墨爾本/悉尼只需$1,692 起 (連稅計墨爾本$3,804、悉尼$4,001)！直航價包埋30KG 行李確係唔錯，另外喺八月尾出發都有平添，家長們有budget不妨帶囝囡去遠啲出走世界啦！
日日困係香港呢個石屎森林，放假就梗係要衝出香港睇下唔同嘅景色喇！5至9月出發，澳洲航空直航來回墨爾本/悉尼只需$2,700 (連稅計墨爾本$3,522、悉尼$3,601)！票價已包30KG行李！呢個優惠八月出發都有平，可以自制暑假遊學團探下企鵝仔喇！
隔咗2個月終於有澳洲回港平飛！6月30日前出發，悉尼/墨爾本直航來回香港$2,031 起 (連稅計墨爾本$2,882、悉尼$2,888)。各位留澳Fans又可以返香港一轉，票價包埋兩件23KG 行李！返黎香港食下美食解愁腸啦！
怕坐長途機會坐到PAT PAT開花，想中途有得落機走動下？咁五星新航飛澳洲就岩哂大家啦！9月10日前出發，來回澳洲各大城市只需$2,400 起，連稅計珀斯$3,358、阿德萊德$3,361、墨爾本$3,378、達爾文$3,383等等！票價已包30KG行李，而且今次優惠都幾SO，除咗價錢抵，仲可以Open Jaw同喺正暑假出發呀！
宜家飛日本下下都二千起跳，下次不如加少少直飛澳洲喇！限五月出發，澳洲航空直航來回悉尼只需$2,500 (連稅計$3,384)！呢個價錢以澳航嚟講真係幾平下，可以舒舒服服飛越大平洋喇！票價已包30KG行李！
澳洲直航優惠多到花多眼亂，宜家加埋維珍澳洲直航優惠，選擇恐懼症隨時翻發呀！4月3日前出發，直航來回悉尼$2,577 (連稅$3,589)！價錢都係抵嘅！票價包2件23KG 行李及餐飲！同埋就算Open Jaw去埋墨爾本都係貴多$200蚊，而中間果程內陸機可以買Jetstar啦。
國泰死跟爛跟係都要追住澳航狂減價，劈到咁平，真係俾佢搞到明明目標係歐洲都轉移到澳洲呀！4月3日前出發，直航來回悉尼$1,686 (連稅$3,594) 咋！票價包30KG行李，同澳航一模一樣！不過小編覺得魚翅取勝之處在於航班時間，時間安排更有彈性。
最近有唔少last minute機票優惠，今次連澳航都參與埋一份！4月3日前出發，使用折扣代碼後，澳洲航空直航來回悉尼$2,600 (連稅$3,487)！票價已經包30KG 行李，時間夠哂靚加呢個價錢坐澳洲航空真係抵番哂啦！