埃及航空推出Last Minute優惠！只限12月出發，來回曼谷$653 (連稅$1,223)！價錢極之吸引呀，不過出發日子唔多，而且去程時間唔係人人接受到，晚機10點鐘出發，即係變相要訂多一晚酒店！其他嘅都可以接受，好似票價包23kg。
曼谷消費咁低，慳返嘅錢不如豪啲搭下business class喇！之前同大家介紹咗阿聯酋航空嘅經濟艙優惠，但其實搭飛機都可以有唔同玩法架！19年5月31日前出發，坐阿聯酋航空一程坐經濟艙+一程坐商務艙來回曼谷只需$1,900 (連稅$2,646)！咁平嘅價錢就可以訓住飛泰國喇！建議大家回程坐商務艙，有40KG行李俾大家掃貨架！
阿聯酋航空嘅曼谷平飛keep住有，宜家仲賣到去下年添！19年5月31日前出發，來回曼谷$570 (連稅$1,377)咋！咁抵嘅價錢已經享受到阿聯酋航空嘅五星級服務喇！仲已包咗30KG行李同餐飲添！小編查過系統，平飛都幾多下，一於叫埋啲朋友一齊去玩下喇！
想體驗非一般嘅泰國文化，咁就要去一次泰北感受下其清新風情啦！宜家經hutchgo.com 預訂，19年10月26日前出發，乘坐HKExpress來回清邁/清萊$1,149 起 (連稅計清邁$1,602，清萊$1,604)，以上價錢亦包埋來回20KG 行李。去到泰北除咗欣賞其古蹟及寺廟外，亦可以參加一日遊一睹神秘嘅泰﹑緬﹑寮金三角架。
埃塞俄比亞航空呢個曼谷優惠真心抵！19年10月4日前出發，使用折扣代碼後，來回曼谷只需$900 (連稅$1,291)咋！連稅千三有找！最正嘅係旺季都有平，勞動節/佛誕/暑假/國慶都搵到平飛！票價包埋2件23KG行李，咁掃幾多手信返嚟都唔洗驚喇！平飛手快有手慢無啊！
阿聯酋即使加咗燃油附加費都無話比以前貴好多，甚至乎優惠更平做長有，唔似得某某航空公司咁！12月31日前出發，使用折扣代碼後，來回曼谷$590 (連稅$1,218)！今次優惠極級抵呀，包30KG行李同餐飲，不過屬於Last Minute 優惠，想出年飛就未必岩用喇！
HK Express買去送回第三輪，最後一期精選航點有泰日韓！19年10月23日前出發，來回東南亞$398、韓國$598、日本$798 起 ！連稅計清邁$860、釜山$1,023、首爾$1,060、廣島/長崎$1,068、東京羽田/名古屋$1,248)！今次比較特別係長崎，其他都一般般咋！同埋都係果句，如果唔係近期出發就千奇唔好急住買！除非大家搵到旺季日子有平或者覺得以上票價都可以接受呀！優惠朝早…
下下下下下！港航12週年優惠黎喇！價錢如下，19年5月31日前出發 (視乎航點)，來回胡志明市$475 (連稅$1,188)、河內$542 (連稅$1,294)、曼谷$700 (連稅$1,433)、岡山/米子$1,000 (連稅$1,540)、沖繩$1,000 (連稅$1,610)、首爾$1,000 (連稅$1,735)、大阪$1,500 (連稅$2,252) 起！太多航點不能盡錄，不過台北就無減…
話咁快又係新嘅一星期喇，HK Express都有新一期買去送回優惠！19年10月21日前出發，來回東南亞$378、日本$598 起！連稅計芽莊$783、峴港$836、布吉$840、石垣島$858、石垣島$858、清萊$860、暹粒$1,109、大阪$1,281！價錢一般般喇，岩日子可以入手嘅！優惠陣間9點開賣！
睇黎曼谷線無成為燃油附加費嘅死待，優惠繼續長做長有！其中皇家約旦航空再次延長曼谷線優惠，19年3月31日前出發，使用折扣代碼後，來回曼谷$620 (連稅$1,446)！好處係包30KG行李，至於航班時間都好兩面體，如果係在學人士，就會話「下…..爛爛地」，不過對於假期如鑽石嘅打工仔，就可以慳返日假期，而且回程返到黎黃昏，可以抖多日先返工呀！