那赫爾辛基被遺忘的秋天 六大秋葉打卡景點 講到秋天，你可能會諗起去日本、韓國睇紅葉；講到芬蘭，你可能又會諗到住冰屋睇北極光同去聖誕節老人村。不過你又有冇諗過【芬蘭X秋天】會係咩嘅景像？
秋日森林採菇+正宗芬蘭桑拿 十月開始香港踏入秋季，係登高遠足嘅好季節。而芬蘭呢到，早係九月天氣就開始轉涼，樹葉亦陸續變得黃黃橙橙。呢段時間係芬蘭就最適合去森林國家公園健行，只無奈小編仲未有車牌。不過冇車又唔代表冇得去感受大自然，剛好有朋友係芬蘭參加完一個森林採菇體驗，覺得好好玩於是就介紹咗比我。經網上報名比錢後，就會收到當日集合時間同地點。