光陰似箭，唔經唔覺又過咗一個月，釜山航空嘅Early Bird優惠又蒲頭喇！10月份出發，單程飛釜山$500 (來回連稅$1,417)！票價包咗可以喺十月一假期出發都So far so good嘅～而平日出發不妨考慮下其他喇！但有一個sad sad地嘅消息，以往會包20KG行李，宜家得返15KG咋，OMG～5KG帶少好多零食！
今期Fanfares 終於有啲睇頭，總共有9個城市加2個套票優惠！最抵玩肯定係首爾$1,280 (連稅$1,732)、大阪$2,080 (連稅$2,553)、巴塞羅那$3,480 (連稅$4,002)，而今期出發日期將會覆蓋7-12月 (視乎航點)！日韓兩個航點首爾同大阪價錢好吸引，連稅分別都係千七同二千五，抵！而直航歐洲飛去巴塞羅那同哥本哈根連稅只需四千咋！岩日子真係要搶！
濟州航空將會係聽日開賣年度super sale！想去韓國既話一定唔可以錯過！10月至19年3月出發，香港/澳門單程飛首爾只需$100 (來回連稅計香港出發$652，澳門出發$803)咋！包埋15KG 行李票價都係$475(來回連稅計香港出發$1,402，澳門出發$1,553)！航班時間仲係凌晨機去晚機返添！呢個價錢你唔係唔搶掛？聽日下就四點記得要捕住個mon喇！
唔好以為聽日紅日就可以訓晏啲呀！因為聽朝9點鐘有真航空年度大促銷，迫大家早起搶平飛呀！雖然維持一貫神秘作風，一日未開賣一日都未知價！不過玩咗咁多次，之前都係賣緊香港/澳門來回首爾$700 起 (連稅$1,156 起)～今次估計都係呢個價喇！票價包15KG行李同機上小食，不過留意返，真航空無得加購行李限額，一旦爆磅就GG喇 ，逐KG 10,000 KRW (約$70) 咁計！預咗會豪買嘅，認真諗諗搶…
早晨～又到星期一HK Express優惠，最平有來回台灣連稅$691，扮工前睇下有無平機票啦！19年2月4日前出發，單程飛台灣$148、東南亞$158、韓國$238、日本$268 起。來回連稅計台中/花蓮$691、芽莊$743、峴港$749、石垣島$791、清邁/清萊$822、首爾$933、東京$1,089。都有幾個日韓台、東南亞航點連稅一千以下可以選擇，其他靚時間就補飛之選啦！優惠一陣9點開賣！
嘩！！！釜山航空突發推出暑假最後平飛，講緊連稅九百仲要包行李呀！單程飛釜山$250 起 (來回連稅$918)，不過呢個價可遇不可求只限8月尾出發，但航班時間零晨機去晚返超正，仲講緊包埋15KG行李喇！仲想點？其他日子單程飛釜山$480 起 (來回連稅$1,378)，都算正常優惠價岩日子可以入手！官網開賣緊啦～學生哥同朋友去暑假旅行啦！
韓亞首爾嘅全年優惠真係好好好..久不見了！雖然有唔少廉航但論性價比始終都係傳統航空好啲喇！19年3月31日前出發，來回首爾$1,544 (連稅$1,996)！價錢已包23KG 行李，仲有韓國空姐空少Serve大家，航班亦可以揀凌晨機去晚機返架！黎緊一於plan去賞楓同睇雪景，或者食番個正宗人蔘雞湯補補身體啦。
黎到HK Express mega sale第二回喇！今次$98無台灣，但日本來回連稅六百都好吸引架！19年5月25日前出發，單程飛東南亞$118、日本/韓國$178 起。來回連稅計石垣島$611、清邁$702、鹿兒島$731、布吉$762、濟州$776、名古屋$929。日本代表有石垣價錢堪稱第一平，潛水發燒友唔好錯過，另外泰國兩個航點都好岩度假一族！優惠一陣9點開賣喇！
正呀！每年一度嘅旅遊展優惠返黎喇！濟州航空亦係一陣9點推出單程首爾及濟州平飛！6月15日至9月30日出發，單程飛首爾$260 (連稅$980)、濟州$400 (連稅$1,223)。以上價錢只包10KG 手提行李，唔想背包遊就買高一級嘅「折扣機票」，比另購行李抵啲架。最吸睛仲有首20位訂飛，有機會贏取「Holiday Inn Express Seoul Hongdae Hotel」酒店住宿一晚添呀！
正呀！濟州航空加碼推出新優惠，一陣9點開賣飛去濟州嘅暑假平飛！7月6日至8月31日出發，單程飛濟州$400 (連稅$1,261)。以上價錢雖然未包行李，但係正7至8月暑假出發真係好抵，而且仲可以去睇靚靚繡球花，搵埋班同學仔一齊出走去玩喇。唔想背包遊預咗要買行李不如買高一級嘅「折扣機票」，比另購行李抵啲架！