香港機場新航線｜阿拉斯加航空｜最近唔少外媒報導，香港空運牌照局批准香港航空申請開辦香港飛往克羅地亞貝爾格萊德和薩格勒布嘅定期航班。不過小編睇返有關批准早已經係今月6月刊憲，而航空公司申請都唔一定會開辦！例如港航嘅航空牌照亦有巴塞羅那、奧斯陸等無開辦嘅航線。加上早前克羅地亞政府有接觸過國泰航空，相討開辦季節性航班，相信國泰開辦嘅機會更大！
星悅航空｜StarFlyer｜北九州機場｜以北九州機場 (KKJ)為基地嘅日本星悅航空 StarFlyer ，最近宣布9月2日起復飛台北至北九州航線！社長町田修先生就透露，星悅航空目前正考慮將香港、韓國及中國沿海地區納入未來新航點，前提要視乎收益，謹慎擴張航線！疫情前星悅航空有開辦過香港包機航線，暫時香港飛往九州只有福岡一個航點，而且需求強大！唔知日後大家有無機會坐星悅航空飛去北九州機場呢？