【韓亞航空】劈價到六月！連稅千六有找！來回首爾只需$813

韓亞亦都劈價賣到六月優惠啦！6月30日出發，來回首爾只需$856 (連稅$1,531)！包埋飛機餐同23KG 行李，仲有得揀番凌晨機去晚機返添！宜家韓國入境有新政策，想知就要睇埋文章底部，小編整理咗問題答案俾大家參考！

---

【出發日期】
即日起至6月30日 (旺季除外)

【停留期限】
1個月

【訂飛網址】
Airbare比價網 (連稅$1,577 起，成功搜尋平飛後，可於同程藝龍TravelGo 訂購)

韓亞航空官網 (連稅$1,656)

---

韓亞同大韓一齊出優惠賣到6月平飛！而韓亞來回香港一日只有兩班航班，不過一定有凌晨機去晚機返，來回連稅只需$1,577咋！

大韓同期出發一樣咁抵，而且去回程有番凌晨/晚機返！來回首爾只需$849，連稅都係$1,558 咋。

【去韓國前先睇一睇】🇰🇷

宜家韓國將香港列為疫區真係嚇親☹相信唔少朋友都拎住/打算買韓國機票，有好多問題好想問！小編整理咗已有嘅資訊，希望可以幫到你喇！

1️⃣
Q：宜家香港被列為疫區，買咗機票仲飛唔飛到？使唔使十四日家居隔離？🤔
A：宜家無論係持香港護照，定係由香港出發的旅客暫時都仲可以入境韓國，而且唔需要家居隔離，但就有額外的檢疫要求如下：
1. 於入境時必須提供確實同埋有效嘅手機號碼同埋地址，未能提供/提供虛假資料會被拒絕入境。
2. 需下載自我診斷手機應用程式並每日記錄身體狀況 (連結： ncov.mohw.go.kr/selfcheck/)

2️⃣
Q：電話填酒店/民宿電話號碼📞得唔得？
A：唔得呀！因為入境時會即場驗證手機號碼及地址真偽，提供唔到會被拒絕入境！

3️⃣
Q：如果同幾個朋友👭或者一家四口👨‍👩‍👧‍👦出發，只得一個手機號碼得唔得？
A：規例指無論人數幾多，每人需提供各自手機號碼。但指如夫婦或同行小童，則視乎官員決定。不過小編認為，穩陣起見，每人都係購買一張韓國語音通話咭可以接收電話啦！唔好得不償失無得入境！

4️⃣
Q：聽日(之後幾日)出發，咁急去邊度買電話卡好？🙈
A：建議提早係香港買定，可以親自去深水埗/電話鋪買，或者上網訂完去香港機場拎都得！記得要買語音通話咭，即係打到電話果款！

5️⃣
Q：自我診斷手機應用程式得Android版？用iphone點算？📲
A：個政策岩岩先宣佈聽日開始實行， iOS版本會稍後推出！真係擔心就帶部Android機去喇！

明白到宜家消息滿天飛，而且政策隨時會變，大家都會好緊張！如果大家有新消息，定係其他問題都可以喺留言講下，多啲人一齊傾下點都好啲！

(資料來源：首爾航空)

訂閱 Flyday 每日最新優惠情報