黎啦!黎啦!一票兩地台灣+日本聽得多,有無諗過一票兩地其實可以峇里島+新加坡呢?10月14日前出發,來回峇里島$1,595 (連稅$2,088)咋!票價包30KG行李,夠哂帶私伙潛水用具啦!至於難得可以喺新加坡轉機,梗係唔好嘥咗張飛喇!
【出發日期】
4月28日至10月14日 (旺季日子除外)
【訂飛日期】
即日起至4月18日
【停留期限】
2至14日
【訂飛網址】
Trip.com (連稅$2,088)
新加坡航空官網 (連稅$2,190)
平時飛峇里機票閒閒地都要2千5以上!今次減到2千蚊左右,已經算減咗好多架喇!加上夏天平飛日子都幾多,幾適合喜歡陽光與海灘嘅fans。
而小編個人最推薦嘅出發日子緊係暑假尾啦,好似以下8月29日去程,9月5日回程,而暑假檔期最早可以8月26日出發,9月3日回程。
既然難得喺合家歡嘅新加坡轉機,咁緊係唔好嘥咗張飛啦!只要俾多少少錢,大約$270左右就可以中停新加坡啦~一票兩地,抵玩啦!
停留台北一票兩地訂飛教學:
1. 先去新航官網搜尋香港<->峇里島,搵左咩日子有平飛先,然後抄下香港->峇里島航班號碼,新加坡->峇里島的航班號碼。
2. 再搜尋多一次香港<->峇里島,回程日期是峇里島飛新加坡停留的日子,有平飛的話抄下峇里島->新加坡的航班號碼。
3. 最後喺返Trip.com利用多個目的地功能,打番岩岩抄左的航班及日期入去,就會搵到平飛架啦!
近排小編自己都考咗潛水牌,緊係會特別留意世界各地嘅潛點啦!其中峇里島都係一個好出名嘅潛水勝地,有喺果度潛過水嘅人都會話,峇里島海洋生物豐富多樣,世界獨一無二。
當中較為出名有八丹拜嘅Blue lagoon!聽聞呢度落到水能見度超高,學潛水都容易好多呀!加上潛到5至10米就有一大片硬珊瑚,如無意外應該會見到好多唔同嘅魚。
(圖片來源:Pixabay)