台南元宵節｜台南元宵節活動｜台南元宵節花燈｜台灣鹽水蜂炮｜元宵節去到台灣有咩在地活動？當然唔可以錯過一年一度嘅台灣燈會啦！岩岩過去嘅元宵節，小編就去到台南欣賞2024台灣燈會「龍耀臺南」，仲有參加當地刺激嘅鹽水蜂炮活動，體驗台南傳統地道嘅一面。下年將會出發去台南嘅，可以參考小編以下台南元宵節在地活動同打卡甜品店呀！
2024台灣燈會 -「龍耀台南」
今年2024台灣燈會重返台南，名為「龍耀台南」，分為高鐵及安平2大燈區。到達當日係元宵正日，晚上7點會有亮燈，小編就提早黃昏時間到達，一嚟可以睇下現場表演，二嚟可以去燈會嘅美食市集買伴手禮及農特產，現場大約有100攤左右，三嚟搵定好位影相。由於適逢值龍年及台南400年妃念，燈會規模盛大，2大展區共展出300多件作品，主題「榮耀台南 光彩台灣」。小編今次就去咗高鐵燈區參觀，主燈「龍來台灣」高22公尺嘅龍，取材自台南大天后宮前石柱龍造型，元宵當日仲有點燈活動，同一大班台灣人等亮燈。
▼台南燈會「龍耀台南」
除咗主燈外，小編最鍾意嘅「美麗之島」主題燈，以光球燈海圍繞著鯨魚 (喻意台灣)，感受福爾摩沙之美，另外「時光迴廊」展區「戲夢時光」的小燈區結合5G車及XR技術，仿如懷舊電影院，大家可於「購票處」選取有名本土電影電影並拍照，將容貌結合於手繪風格的電影海報，投射在XR螢幕中，都係將傳統活動數碼化嘅好嘗試，體驗完後大家仲可以拎走海報明信片留念。
▼台南燈會「美麗之島」主題燈
除咗7大主題燈之外，另外有「國際共融」燈區，展現不同世界名勝地標作為燈飾，向世界宣傳台灣的美好。整個燈會展出豐富，雖然展期已完結，不過下年出發去台南嘅大家，可以考慮放落行程呀。
▼台南燈會「國際共融」燈區
台南地道活動 – 鹽水蜂炮
想喺台南搵更地道啲嘅活動？元宵節除咗有期間限定嘅燈會外，今次撞啱日子仲可以去鹽水參加蜂炮活動。如果大家有睇過《花姐Error遊2》，就對鹽水蜂炮不陌生。鹽水鋒炮是台灣民間嘅傳統節慶活動，相傳古時溫疫流行，民眾向關公祈求平安，並燃放炮竹繞境，其後溫疫退散，在完宵燃點炮竹就成為習慣定例，逐漸演變成為今日嘅蜂炮。時至今日，不同組織、鄉親會將預先數千至數萬支炮竹排好在木架並連上組成炮台，然後點燃時萬炮齊發，非常震撼。
▼鹽水鋒炮
▼鹽水鋒炮
鹽水蜂炮在農曆正月十四至元宵節 (2日) 內進行，武廟出發及結束，繞境一週。近年由於蜂炮活動規模漸趨盛大，點燃蜂炮時爆炸聲響巨大，蜂炮亂竄，相對上會有一定危險性。小編在大會安排下都穿著好安全裝備，全副武裝，在安全距離下參加晚上蜂炮活動。雖然已經穿戴頭盔及厚重的保護衣，但蜂炮點燃時萬炮齊發嘅震撼，第一次體驗到都即刻後退幾步，但現場嘅氣氛真係好正！可能大家會係網絡上見到鹽水蜂炮被譽為「最危險慶典之一」，但只要做足保護措施，加上用正確態度參加蜂炮活動 (燃放蜂炮的原意是感謝神明嘅回意，並不是將蜂炮放在身上點燃及用身軀擋迎祛霉運或迎好運)，大家都會穿好防護裝備保護安全。
▼穿著好安全裝備參與鹽水鋒炮
在元宵節期間，當地會同時舉辦月津港燈節，將藝術光影與古城舊景結合，加上期間限定嘅夜市，有得食有得玩，氣氛非常好，記得bookmark，下次嚟台南夾啱時間推薦大家去。
▼月津港夜市
相關優惠：台北旅遊景點攻略｜自由行必去景點｜西門町、大稻埕碼頭、象山步道、北投溫泉、艋舺龍山寺、淡水老街
台南歷史建築物改建cafe -「南埕衖事」及「宮原眼科 明治町冰淇淋」
相信大家都知台南人嗜甜成性，所以嚟到台南，當然要搵下特別甜品店啦！其中大家都推薦去以下老屋及日式歷史空間改建嘅特色空間，例如以台南巷弄為主題嘅8層雪糕cafe「南埕衖事」，由日本新一代建築大師藤本壯介操刀規劃，打造半戶外嘅通透空間，讓建築與環境融合。以及由台中宮原眼科插旗於台南開嘅「明治町冰淇淋」期間限定店，進駐日治歷史建築「赤崁東街日式宿舍」，推出台南限定或經典口味冰淇淋，可以邊食甜品邊打卡！
▼南埕衖事
▼南埕衖事
▼南埕衖事
▼南埕衖事
▼宮原眼科「明治町冰淇淋」期間限定店
▼宮原眼科「明治町冰淇淋」期間限定店
大家出發去台灣旅行一定唔可以忘記，於出發前1至7日提早登記抽消費金，於網站填好資料，機場一出關就會見到櫃台掃QR code抽獎，真係行過路過唔好錯過。
▼台灣消費金
特別嗚謝：臺灣觀光協會香港辦事處