唔少人之前都坐過名勝世界壹號由香港出發去台灣、沖繩及宮古島！其實除咗呢啲航線外，名勝世界壹號亦都會去到唔同嘅國家！今年10月至25年4月，名勝世界壹號就會以阿拉伯灣為母港，由杜拜出發帶大家去薩巴尼亞、阿曼及多哈，2至3晚航程每位低至HK$2,109 起！大家可以藉住今次機會，一次過玩轉幾個中東國家，探索阿拉伯灣之美！去杜拜之前，名勝世界壹號9月份會再次回歸香港，大家又可以坐名勝世界壹號去沖繩那霸及宮古島，宜家仲有早鳥優惠9折，5晚航程每位HK$6,570 起！當然唔少得週末公海遊，每位都係HK$2,300 起！想再次坐名勝世界壹號去世界各地，就唔好錯過喇！
名勝世界郵輪｜期間限定阿拉伯灣航線，每位低至$2,109 起！
今年10月至25年4月，名勝世界壹號就會以阿拉伯灣為母港，由杜拜出發帶大家去薩巴尼亞、阿曼及多哈，2至3晚航程每位低至HK$2,109 起！呢段期間由香港直飛去杜拜連稅大約四千幾左右，加多少少錢坐埋名勝世界壹號就可以玩多幾個中東國家，船上包晒食宿，又唔使煩交通，真係抵啊！
【出發日期】24年10月至25年4月
名勝世界壹號阿拉伯灣航程參考價錢
- 2晚薩巴尼亞週末遊，每位HK$3,209起 (逢星期五出發)
- 2晚多哈之旅，每位HK$2,109起 (逢星期日出發)
- 3晚阿曼之旅，每位HK$3,209起 (逢星期三出發)
以上價格不包括往返登船港口之機票，旅客需自行安排。
條款及細則：
- 價格為每位成人佔用雙人內側客房計算，會隨客房供應情況而變動，所有資料只供參考，以預訂時為準，具體請參考合同條款。
- 價格不包括服務費、港務費、旅遊保險、交通、簽證及其他額外費用。
- 所有航線行程及價格如有任何更改，恕不另行通知。本公司對一切條款及細則保留最終決定權利。
▼名勝世界壹號阿拉伯灣航程
▼ 阿拉伯灣航程期間，名勝世界壹號船上亦安排唔少特別活動，例如紅地毯歡迎儀式，阿拉伯夜間派對、寶萊塢派對等等！
杜拜景點介紹
大部分人去杜拜，都係因為轉機去歐洲等地，但其實市內都有唔少景點值得去。例如全球第一高建築物哈利法塔，登上148樓嘅世界最高觀景台，又或者去位於122樓全球最高餐廳At.mosphere 嘆住美食，欣賞杜拜天際線同阿拉伯灣美景！
▼哈利法塔
多哈景點介紹
多哈除咗有唔少現代化建築之外，唔少博物館建築風格亦相當前衛，例如卡塔爾國家博物館。外型以沙漠中一種名位沙漠玫瑰嘅礦物結晶建造作為靈感。卡塔爾國家博物館於2015年完成改建翻新，館內展出展幻個世紀以來卡塔爾國家歷史及發展進程，想對卡塔爾有更深認識同一睹呢個咁宏偉嘅建築，可以抽空去下卡塔爾國家博物館！
▼ 卡塔爾國家博物館
阿曼景點介紹
阿曼係阿拉伯半島最古老國家之一，相比中東其他國家較為低調，城市感比較無咁重。除咗去古城區行下傳統市集，感受阿拉伯純樸風情之外，亦可以去⽡西巴沙漠(Wahiba Sands)體驗下沙漠嘅磅薄氣勢、慢步沙丘之上、玩下滑沙或者騎下駱駝！
▼ ⽡西巴沙漠(Wahiba Sands)
薩巴尼亞景點介紹
薩巴尼亞呢個名大家可能未必聽過同去過，薩巴尼亞係位於阿拉伯灣上一個沙漠島嶼，曾經係阿聯酋前總統嘅私人島嶼。島上有一個專為阿拉伯半島野生動物而建嘅阿拉伯野生動物園 (Arabian Wildlife Park)，佔薩巴尼亞島上一半以上面積，擁有阿拉伯羚羊、長頸鹿及獵豹等17,000多隻野生動物。除咗有大量野生動物外，呢到呢沙灘亦都出名水清沙幼，仲可望到無邊際嘅阿拉伯灣美景！
▼阿拉伯野生動物園 (Arabian Wildlife Park)
名勝世界郵輪｜9月香港至沖繩及宮古島航線、週末公海遊回歸！
名勝世界壹號之前停泊香港期間，就提供香港至沖繩及宮古島航線同埋週末公海遊。大家係咪好想再次坐名勝世界壹號由香港出發嘅航線呢？宜家就有好消息，名勝世界壹號將會係今年9月再次回歸香港！宜家仲有早鳥優惠9折，5晚航程每位HK$6,570 起！當然唔少得週末公海遊，每位都係HK$2,300 起
【出發日期】9月29 (沖繩及宮古島航線)
9月27及10月4日(週末公海遊)
香港出發航程參考價錢
- 5晚沖繩那霸及宮古島，早鳥優惠9折每位HK$6,570起 (9月29日出發)
- 2晚 週末公海遊，每位HK$2,300起 (9月27日及 10月4日出發)
條款及細則：
- 價格為每位成人佔用雙人內側客房計算，會隨客房供應情況而變動，所有資料只供參考，以預訂時為準，具體請參考合同條款。
- 價格不包括服務費、港務費、旅遊保險、交通、簽證及其他額外費用。
- 香港出發航程9折優惠只適用於2024年7月17日前預訂的名勝世界壹號2024年9月29日出發之5晚沖繩航次。
- 優惠不可以同時與其他優惠使用；優惠名額有限，先到先得。
- 所有航線行程及價格如有任何更改，恕不另行通知。本公司對一切條款及細則保留最終決定權利。
名勝世界壹號｜小編實測沖繩那霸及宮古島航次
小編之前仲試玩名勝世界壹號沖繩航次，睇埋下面詳盡試玩報告啦！
今次入住露台客房，基本乜都齊哂，房內有乾濕分離嘅浴室，電視節目有基本嘅TVB同一啲電影台。露台客房有一個設計簡約嘅露台，但行出去可以睇到180度海景，感受陽光溫暖，又呼吸到海洋嘅味道。
▼露台客房
上船飲飲食食
郵輪上包哂3餐，免費餐廳有3間選擇，分別喺12樓嘅「麗都自助餐廳」，喺6樓嘅「百味軒」、「星夢餐廳」。麗都自助餐廳就主要係多國自助餐，食物比較多選擇，加上現場音樂及海景，氣氛一流。星夢餐廳同百味軒會在午餐和晚餐提供set meal，相對自助餐較精緻，其中星夢餐廳更有西式和中式set選擇，百味軒就只提供中式set。早餐就三間都自助餐，分別不大，至於午、晚餐，小編就推薦星夢餐廳嘅set meal，一嚟有中西式選擇，仲有素餐選擇，二嚟食物相對上較自助餐精緻，三嚟餐廳裝潢都比較好，用餐環境舒適。
如果大家係參加5晚或以上嘅航程，喺最後上岸日當晚更會有羅馬泳池舉行嘅現場燒烤晚餐，郵輪會開放12樓露天部份，加入現場燒烤，亦都播放現場音樂，氣氛非常好，記得mark實日子。
▼羅馬泳池燒烤晚餐
總括嚟講，船上飲食環境和質素絕對高於小編預期，尤其幾間付費餐廳嘅質素，以及餐飲消費非常抵嘅價錢，都係整個郵輪假期開心和加分。
郵輪設施及娛樂
上得郵輪，當然要玩下船上設施，基本上郵輪有嘅水上設施，電子娛樂中心、健身中心等都會有，但有3樣想介紹多少少，「星座劇院」每天會安排不同藝術及歌舞表現，每場大約1小時，結合歌舞，魔術雜技，甚至係京劇變臉絕技，至於郵輪頂層嘅「羅馬泳池及水上滑梯」，除咗可以游水曬太陽之外，泳池旁邊仲有幾個按摩浴缸，可以好好享受陽光下嘅郵輪假期，最後要介紹嘅係「VR探索館及動感地帶」(付費)，喺船上可以玩到多款電子娛樂已經好開心，抵玩過商場啲電子遊戲中心，最正嘅係有VR Game。
▼星座劇院
▼按摩浴缸
▼VR探索館&動感地帶
沖繩有乜新嘢玩
第三日準時早上10點落船上沖繩，除咗可以自己安排行程活動玩之外，郵輪都安排咗啲熱門自費local tour俾大家玩足一日，唔想plan可以跟足一日就得，唔驚迷路遲到搵路返上船。
沖繩港口距離那霸中心國際通極近，坐的士10分鐘就到，不需要花太多時間喺交通上。小編當日就去咗2020年開幕嘅DMM Kariyushi水族館。提起沖繩水族館，最出名一定要係北部美麗海水族館，但就距離那霸市較遠，而DMM Kariyushi水族館距離市區20分鐘車程嘅豊崎區，隔離仲有iias沖繩豐崎及ASHIBINAA Outlet，可以一次過行景點+shopping，適合一家大細，朋友知己，玩足一日都得。
最後當然要返到那霸中心國際通行吓，除咗行街買嘢之外，大家可以試吓沖繩嘅手工啤同琉球限定泡盛，Chill住去享受沖繩輕鬆嘅氣息，又可以試到地道嘅沖繩味。未食嘢就上返船肚餓點算好，唔怕，郵輪上餐廳會繼續到晚上9點，上到船先食一樣無問題。
▼國際通
尋找宮古藍
相比起沖繩，小編更期待落船玩宮古島。如果唔join團又唔識揸車，可以租電動單車，落船就有得租。
宮古島最出名嘅一定係「宮古藍」，呢個外號亦指宮古島嘅海水清澈見底，在陽光照射海水下，映照出顏色碧綠嘅藍漸層，彷彿是宮古島獨有。當日小編去咗「與那霸前濱」，欣賞宮古藍，純白幼沙的海灘綿延7公里。喜歡水上活動的朋友除了可以游出海暢泳及浮潛外，更可以體驗香蕉船、水上電單車等海上活動。
▼來間大橋
▼名勝世界壹號 Resorts World One
