位於鴨脷洲的城木酒店Urbanwood Ap Lei Chau推出快閃住宿優惠！一晚$664 起限量升級至豪華海景客房，連早餐+午餐/下午茶/晚餐三選一。酒店開業約兩年，客房設備都仲好新淨，以「木」製設計為主，崇尚簡約，自然的設計理念。可以坐附近住家艇遊覽鴨脷洲漁港，雖然無咗珍寶海鮮舫但仲睇到太白海鮮舫架！
【城木酒店 (鴨脷洲) Urbanwood Ap Lei Chau】豪華海景客房連兩餐
一晚$664 (連服務費$730 起) 限量升級至豪華海景客房，連早餐+午餐/下午茶/晚餐三選一。酒店內採用大量落地玻璃窗，引入自然光，整體裝修簡單舒適。酒店有提供免費飲品小食的Reading Lounge公共空間和Terrace空中露台﹑健身室等，另外不要錯過酒店內的木製旋轉樓梯，打卡一流！附近有著名艇仔粉、香港仔魚市場、香港仔水塘、舢舨遊等景點。
【預訂日期】即日起至7月23日
【入住日期】7月20日至9月30日 (六、日、一除外)
(折扣優惠碼)
▼豪華海景客房
▼標準客房
▼早餐
▼酒店內樓梯打卡位
城木酒店 (鴨脷洲) Urbanwood Ap Lei Chau
- 地址：香港南區鴨脷洲新市街29號 (地圖)
- 電話：3728 7388
- 城木酒店 (鴨脷洲)官網
【入住報告】
之前Flyday試住員試住過「漫遊鴨脷洲」住宿體驗， 一晚$880 起包早餐及「浪遊漁港1773」門票食風味艇仔粉！仲有南丫環島自悠行套票。相信好多人都冇去過鴨脷洲，甚至覺得個到好遍遠，冇乜特别野好玩。但試咗城木酒店嘅住宿package之後先發現鴨脷洲原來都有好多地方可以行，甚至可以來一個輕旅行！
活動：
今次個package就包咗「浪遊漁港1773」嘅門票，簡單來講就係一個船遊鴨脷洲漁港嘅導賞團。成個行程大概就係避風塘>風之塔公園>洪聖古廟>鴨脷洲大橋>太白海鮮舫+珍寶海鮮坊>住家艇。而住家艇入面有個小型展覽，保留舊時住家艇上嘅設備同文物，等遊客可以體驗一下水上人嘅生活。成個活動其實都幾有意思，可以吹下海風遊下漁港，了解一下香港舊時嘅歷史。
客房：
我地入住城木酒店嘅高級客房，一入去就見到好靚嘅城市景觀，遠處仲可以見到少少海景同海洋公園！房間嘅設計簡潔，並多以綠色、灰色及白色為主調。房内嘅設備及擺設也多以木質為主，非常貼合「城木酒店」嘅名稱。房間也都設有一個迷你吧，提供免費濾掛式咖啡同茶包。除咗梳要額外問前台攞之外，一應嘅梳洗用品都非常齊全。
另外，由於酒店提倡環保等概念，房間內唔會提供樽裝水。住客如果想飲水可以用房間內嘅電熱水壺煲水飲，或者用房間內嘅水壺前往七樓reading lounge水機到裝水飲用。
餐飲：
今次個package包咗房内早餐，英式早餐包括有煙肉、炒蛋同沙津等，係房內享用都幾舒服。現時疫情稍緩，住客也可以前往七樓reading longue或六樓reception露台上享用早餐。至於午餐就包咗係「浪遊漁港1773」嘅活動入面，每人可以享用一碗艇仔粉、馬仔同檸檬茶。艇仔粉嘅味道同普通河粉差唔多，係幾有香港仔風味漁港特色！
晚餐方面我地就去地下嘅一間澳式餐廳BONZA！點咗英式全早餐($128)、蟹肉牛油果窩夫多士 ($88) 及榛子朱古力雙喜 ($80)，飲品就點咗Apple & Pineapple Summer Fragrance ($48) 同Pink Lady Milkshake ($60)。強烈推介蟹肉牛油果窩夫多士，因為蟹肉同牛油果搭配出來嘅醬真係好好食！而英式全早餐入面嘅窩夫也都非常好味！整體而言成個餐嘅份量非常足，而且味道也都非常高質，極力推荐大家去試下！現時酒店推出嘅「南丫環島自悠行x BONZA！」住宿套票就包咗最多$300 BONZA！餐飲消費額，大家不妨去試下！
設施：
城木酒店嘅gym room目前裝修緊，所以暫時未有對外開放。而七數就設有一個reading lounge，成個設計同擺設都非常靚，有muji嘅風格。住客可以係到食野、工作或者短暫休息下。Reading lounge嘅另一端也設有吧台同一個開放式廚房，等住客 (特别係長住嘅客人)可以係到煮食或者沖杯野飲，非常貼心！Reading lounge同Reception之間仲有一條木製嘅旋轉樓梯連接上下層，係酒店一大打卡位！
其他：
酒店附近其實都有好多地方可以行，例如洪聖古廟、鴨脷洲海濱長廊、風之塔公園漁業展覽廊、水月宫等，感覺好似去咗個小旅行！附近也都有D比較文青嘅Café，例如AP Coffee、叄瘋等，更有波記魚蛋、周家園涼茶舖等懷舊店舖。如果想打卡的話，也都可以前往洪聖街外牆壁畫，而入夜後嘅蘇記及正興參茸藥行嘅鐵閘外也都有塗鴉畫！
服務及總結：
基本上我地有咩疑問前台都會好耐心咁去回答，就算唔清楚都會幫我地打電話去其他部門個到問，所以成個酒店服務都唔錯！
整體而言成個package都唔錯，仲好似過咗日輕旅行咁！酒店現時仲有另外一個package「南丫環島自悠行x BONZA！」，除咗包早餐同$300 BONZA！餐飲消費額之外，仲有回贈南丫島嘅船費、環保大使小熊公仔、南丫島精美地圖、運動冰巾及迎賓小食。趁暑假大家快D去試下啦！