近排網上多咗人留意月租酒店，相信如果大家喺疫情期間急需搵住宿、平日屋企裝修又或者搬遷期間需要搵地方暫住，都會諗應該去租酒店定租樓呢個問題。宜家一般嘅月租酒店都會包水電媒、上網費、客房打掃同埋管理費等，除咗唔使好似租樓咁額外俾各項雜費之外，更設彈性住宿，Book幾多個月都得，唔使好似租樓咁俾合約綁死。另外亦毋須煩傢私嘅問題，只需拎個篋，帶備個人隨身物品就可以入住，方便又簡單。
而且坊間租個劏房或納米樓嘅價錢至少都要$8,000 – $9,000起跳，其實同租酒店差唔多，但設施同空間就一定係酒店更勝一籌！咁到底喺選擇月租酒店嘅時候又有啲咩需要注意嘅事項同考慮因素呢？今次我就會列出選擇月租酒店5大注意事項俾大家參考一下，再推薦幾間優質月租酒店俾大家啦～
相關優惠：【酒店月租優惠合集】超過37間港鐵站月租酒店推介，港島、九龍、新界月租低至$8,455 起，出門口即到港鐵站！
選擇月租酒店的5大注意事項：
相關優惠：【酒店月租優惠合集】13間月租平價酒店推介！全部$15,000內租到，最平30晚低至$8,455 起！送餐飲、洗衣額、超市禮券、紅酒等！
月租價錢 VS 當區租金
首先，第一樣嘢亦係最重要嘅一點，當然就係月租酒店嘅價錢啦！資金有限嘅你可以先上租樓網站睇吓你選擇該區嘅租金價錢，再對比返相應地區嘅月租酒店，從而去揀選心水價位嘅酒店。可留意埋酒店嘅開放日優惠，有機會再平啲同埋會送更加多嘅禮遇添！
酒店位置
第二，交通網絡好唔好係其中一個租酒店嘅重要因素。最好揀啲鄰近地鐵站、巴士站等等嘅公眾交通工具，方便出入你常去嘅地方。另外亦要留意附近有冇超市、便利店或大型購物商場，可以購買日常補給。
客房賣點
第三，除咗要考慮面積大細、空間夠唔夠闊落之外，仲要考慮埋房內設施嘅新舊程度，應盡量揀啲有開揚景觀、光線充足嘅房，住起嚟都舒服啲啦！
住宿配套
第四，揀選月租酒店嘅時候，要留意酒店套票包唔包洗衣服務、煮食用嘅設備同埋有幾多酒店餐飲選擇。如果酒店冇洗衣服務，亦無自助衣機，就要睇吓附近有冇啲自助洗衣店啦；部分酒店會有電子爐同埋廚房可以煮嘢食，但有啲只會提供基本煮食用具，例如雪櫃、微波爐等，呢點都要留意一下。另外有啲酒店更設健身室、游泳池及水療等服務，可因應個人需求去揀酒店。
其他個人喜好
第五，如果要需要帶埋毛孩一齊入住，就要揀選寵物友善酒店；更可考慮住豪啲，搵返間包浴缸嘅酒店房；有車嘅人士就要睇埋酒店有無得泊車或相關優惠啦！另外，入住部分酒店集團仲可以儲分衝會籍，住夠指定日數即可換取客房升級、每日早餐及額外免費住宿等禮遇。
相關優惠：【酒店月租優惠合集】鄰近市區月租酒店！交通方便配套齊全！九龍旺角、油麻地、尖沙咀、港島灣仔、銅鑼灣
4大市區月租酒店推介：
1. 英皇駿景酒店 The Emperor Hotel
30晚$10,600 起 (價錢截至2022年3月1日)：
| 考慮因素 | 詳情 | Rating |
| 月租價錢 VS 當區租金 | 唔使一萬租灣仔區 | ⭐⭐⭐⭐⭐ |
| 酒店位置 | 鄰近市區、多餐飲食肆 | ⭐⭐⭐ |
| 客房賣點 | 設施新淨、闊落、環境清幽 高級客房約236呎 |
⭐⭐⭐⭐ |
| 住宿配套 | ✓$500酒店餐飲券 ✓10張即磨咖啡券 ✓4次免費洗衣服務 ✓每週清潔房間兩次 ✓餐飲洗熨及乾洗折扣優惠 ✓健身室 ✓酒店穿梭巴士服務 |
⭐⭐⭐⭐⭐ |
| 其他個人喜好 | ✓鄰近共享工作空間通行證 ✓室內泊車優惠 |
⭐⭐⭐⭐⭐ |
2. 維港凱悅尚萃酒店 Hyatt Centric Victoria Harbour Hong Kong
30晚$16,800 起；毛孩同住$26,800 起 (價錢截至2022年3月1日)：
| 考慮因素 | 詳情 | Rating |
| 月租價錢 VS 當區租金 | 位於海璇豪宅地段 最平租金都要$34,000 |
⭐⭐⭐⭐ |
| 酒店位置 | 5分鐘內到港鐵站 鄰近北角匯商場，大量餐飲食肆 |
⭐⭐⭐⭐⭐ |
| 客房賣點 | 全部房均可望海景！ 設施新淨，標準客房約253呎 |
⭐⭐⭐⭐⭐ |
| 住宿配套 | ✓房內設獨立微波爐、瑜珈墊、電子香薰機、咖啡機、拖把、衣帽架等 ✓餐飲優惠 ✓每星期3次客房整理服務 ✓健身中心及游泳池設施 |
⭐⭐⭐⭐⭐ |
| 其他個人喜好 | ✓寵物友善酒店 ✓可衝凱悅集團World of Hyatt會藉 |
⭐⭐⭐⭐⭐ |
3. 帝苑酒店 The Royal Garden
30晚$12,728 起 (價錢截至2022年3月1日)：
| 考慮因素 | 詳情 | Rating |
| 月租價錢 VS 當區租金 | 尖沙咀區選擇眾多 5星酒店價錢算平 |
⭐⭐⭐⭐ |
| 酒店位置 | 鄰近尖東購物、商業中心及尖東港鐵站、多餐飲食肆 | ⭐⭐⭐⭐⭐ |
| 客房賣點 | 5星酒店設施，寬敞擁城市景觀 豪華客房約323呎 |
⭐⭐⭐⭐⭐ |
| 住宿配套 | ✓每月送酒店餐飲現金券$1,000 ✓免費2袋洗衣服務 ✓享餐飲和水療折扣優惠 ✓預訂2個月或以上95折 |
⭐⭐⭐⭐⭐ |
| 其他個人喜好 | ✓歡迎禮物 (消毒套裝) | ⭐⭐⭐ |
4. 香港九龍東智選假日酒店 Holiday Inn Express Hong Kong Kowloon East
30晚$14,091 起 (價錢截至2022年4月20日)：
| 考慮因素 | 詳情 | Rating |
| 長期住宿價錢 VS 當區租金 | 將軍澳區屬平價月租酒店 | ⭐⭐⭐⭐⭐ |
| 酒店位置 | 連接Popcorn商場，各類食肆及生活百貨，1分鐘到港鐵站 | ⭐⭐⭐⭐⭐ |
| 客房賣點 | IHG 旗下連鎖集團酒店 設施企理新淨，標準客房約215呎 |
⭐⭐⭐⭐ |
| 住宿配套 | ✓$600洗衣額 ✓特色空中花園 |
⭐⭐⭐ |
| 其他個人喜好 | ✓提供自助泊車 | ⭐⭐⭐ |
加入»Staycation 旅遊谷，交流Staycation最新資訊