求婚酒店推介、必學7大求婚貼士
有得飛既時候，大都都有憧憬過係外國求婚，順便玩埋先返黎。但係呢一兩年無得飛，除左慶祝，大家都會諗係酒店向兩一半提出呢個人生重大決定！揀一間好既酒店，都係一門學問，近日有網友分享求婚變真驚喜的不好體驗；亦有人分享係五星酒店既經驗，多得職員幫手，成功求得美人歸！小編整理左幾間推介用黎求婚既5星級酒店，同埋6大必學求婚貼士！
有網友早前預訂了中環某酒店打算用作求婚之用，表示入住前已獲酒店確認，可以協助求婚有關既安排，所以特意預訂多前一晚作佈置用途。到第一天入住時並跟前台夾好，第二日扮check in，亦再三叮囑不用執拾房間，希望給未婚妻一個驚喜。
可惜呢個驚喜連網友自己都估唔到，正當主角用眼罩矇住未婚妻準備跪低求婚之際，開門嗰刻，竟然見到House keeping執緊房，所有佈置同埋花都無晒，當堂唔識比反應。
House keeping表示無收到特別通知；而前台表示唔知點解會發生，因為已經交代左比同事。並表示全部佈置都冇哂，只係剩返紮花可以執返出嚟。呢個驚喜變咗做一個自己都估唔到嘅驚喜：由希望比驚喜身邊另一半，變成一齊有呢個驚喜。兩位當刻已經唔想再留喺呢間咁難忘嘅酒店，即刻退房。事後酒店經理聯絡道歉，亦表示事件係佢哋全部嘅責任，但只能夠賠償花及佈置物件嘅費用、同埋房費。
來源：香港 Staycation 酒店交流谷
本身諗成個求婚嘅plan已經好緊張，好彩book果時已經有超熱心嘅職員Nicole幫我打點一切。成日見大家講Nicole，聞名不如見面，佢真係服務超細心！
亦有網民係網上討論區分享準備時非常緊張，好彩有經驗職員幫手。網民雖然事前認真準備，但係去到實戰又有少少蝦碌。
▼港島香格里拉酒店
Nicole真係跟埋喺我身邊，建議我唔好喺張床放太多嘢感覺好花，又主動建議不如我用少少床頭燈做打燈，令成個感覺更warm更靚更浪漫、本相薄又用咩角度擺最靚，呢一切都係Nicole主動提出，超貼心！
可能職員經驗十足，面對新手 (應該係)，比左好多實戰經驗，令到過程順利。
▼酒店求婚
咁就一年，我哋明年就擺酒喇，喺個咁值得紀念嘅日子，點都要重遊舊地！見佢今年聖誕有Package，聖誕正日都唔係好貴，成功訂到！今年唔駛緊張搞求婚，可以真係relax喇！
好快就過左一年，二人決定重遊舊地，選擇係同一間酒店過聖誕，相信酒店對佢地黎講好有特別意思，亦都相當滿意酒店既服務。
▼港島香格里拉酒店 聖誕套票
MaBelle由香港本地飾品設計師主理的 SILVER KINGS，利用純銀和近年大熱的不銹鋼材料，製成各種線條立體的飾物，成為情侶間節慶或生日的禮品。»優惠詳情
事實上，唔少男士經驗少 (呢個好正常)，而事前如果準備得好啲，多啲參考前人經驗，所謂橋唔怕舊最緊要受，成功在望呀！有人喜歡係公眾環境 (例如餐廳)，亦有人喜歡二人世界，所以酒店房間成為一個好受歡迎既選擇。
必學6大求婚貼士
1. 氫氣球示愛
氣球咩款色唔重要，最重要係要夠多，盡量填滿空位，比另一半有充實既感覺，當然紅色係一定啦！
2. 係大床上用紅色花瓣砌心形
另一個必須位，就係係酒店既特大雙人床上面，砌一個心形圖案出黎，無輪係咩年紀既女士都會受落。
3. 99支玫瑰
無女仔會唔喜歡花，尤其係求婚個日，酒店可以代辦，又或者可以搵專門店當日送去酒店代收。
4. 有情調的環境和音樂
緊記酒店不能點火，所以預先可調暗室內光線和播放柔和音樂，製造情調，提高命中率。
5. 善用酒店 in room dining
成功之後，不妨在酒店房內享用酒店餐飲，繼續二人世界。
6. 相機紀錄
一生人一次的經驗，可以係隱蔽處放置相機，紀錄成個求婚過程，將來成為美好回憶。
▼酒店求婚
如果怕自己未必handle到，可以考慮請酒店幫手準備，5星級酒店有唔少好似上面Nicole咁有經驗既同事，佢地可以幫手準備一場難忙既求婚體驗，最重要係幫你冷靜面對，正日主角做返最重要既工作 – 跪低求婚講 “Will you marry me？”，其他交比酒店就得。
求婚酒店推介
K11 Artus
K11 Artus 寓館一向係超尊貴之選，價錢企硬亦都硬得有道理，望住維港露台非常浪漫！K11 Artus 所有客房都配備廚房同埋洗衣機！仲要係用Miele焗爐+爐頭、西門子洗衣機、Dyson風筒、Gorenje雪櫃、DeLonghi水煲等！全部都勁正！»優惠詳情
▼無敵海景露台
K11 Artus 寓館
- 地址：香港九龍尖沙咀梳士巴利道18號 (地圖)
- 電話：2107 3388
- K11 Artus 寓館官網
港島香格里拉酒店
港島香格里拉大酒店Island Shangri-La Hong Kong 開業已有一段歷史，近年剛完成翻新，配上無敵大海景，係唔少人Staycation既心水酒店，最重要既係服務係一大賣點。事實上，上面網民提到的求婚情節，正正就係得到港島香格里拉職員協助而成功。»優惠詳情
▼豪華閣海景客房
▼珀翠Petrus
港島香格里拉大酒店Island Shangri-La Hong Kong
- 地址：香港中區法院道太古廣場 (地圖)
- 電話：2877 3838
- 港島香格里拉大酒店網站
香港麗思卡爾頓酒店
香港麗思卡爾頓酒店係香港最高酒店，可以係極高處一邊品嘗美食，一邊欣賞到維港雄偉的天際線，本身酒店房間已經係一個大型打卡位，相信對另一半求婚事半功倍！另一朝享用海景早餐，遠離繁華城市的喧囂，放鬆身心。»優惠詳情
▼香港麗思卡爾頓酒店
The Ritz-Carlton, Hong Kong 香港麗思卡爾頓酒店
- 地址：香港柯士甸道西1號國際貿易中心 (地圖)
- 電話：2263 2263
- The Ritz-Carlton 官網
香港文華東方酒店
貴為香港最Top五星級酒店之一的文華東方酒店，由步入大門開始，已經聞到別樹一格既香氣。同港島香格里拉一樣，酒店已有一段歷史，主打係細心既服務，加上海景套房打卡味極重既浴缸，應該無女士可以抵抗！»優惠詳情
▼香港文華東方酒店 海景套房浴室
▼海景客房
香港文華東方酒店Mandarin Oriental, Hong Kong
- 地址：中環干諾道中5號 (地圖)
- 電話：2522 0111
- 香港文華東方酒店官網