直航優惠延續！國泰來回蘇黎世只需$2,883起

之前同大家介紹過既國泰直飛瑞士優惠延續左啦！而且出發日期去到下年5月前出發都得！直航來回蘇黎世只需$2,883 (連稅$4,661)，唔係講笑，平時賣緊五/六千蚊張機票架，對於假期有限的打工仔黎講，呢個優惠絕對可以幫你慳到時間！

【出發日期】
9月12日至12月19日、12月24日至2020年1月1日、1月7日至22日、1月28日至4月19日、4月28日至5月31日

【停留期限】
2個月

【訂飛網址】
Airbare比價網 (連稅$4,661起，成功搜尋平飛後，於OWTrip 五洲行訂購)

國泰官網 (連稅$4,898 起)

國泰每日各有一班航空來回香港與蘇黎世，去程時間凌晨機出發，不過回程只得早上11:55分班機，時間無瑞航咁靚呀！

去程：CX383 00:40-06:30
回程：CX382 11:55-06:30+1

例如三月份出發，開始踏入春天，天氣無咁凍都幾舒服，而且日照時間長返啲。

好多人去瑞士都會食芝士火鍋，同香港個啲有少少唔同，會加入少少白酒，同埋以面包同薯仔為主食，好唔好食見人見智啦，不過就比較傳統。但係小編高度建議食左幾餐有啲厭之後，唔好試Fondue Chinoise，十個字失望。呢個應該係想模彷中國火鍋，食材同香港火鍋差唔多，會有肉片同菜等。不過個火同芝士火鍋一樣，都係咁弱，基本上個鍋係成餐飯都無滾過，味道就更加唔好提，所以小編奉勸大家唔好做傻事呀。