3月限時優惠!開戶送免費機票及開卡迎新禮遇
之前小編同大家介紹咗斐濟航空嘅超抵優惠,原來唔止島國有平,連奧克蘭都有!11月30日前出發,來回奧克蘭$1,906 (連稅$3,629) 咋!真係好抵!想中停斐濟玩多個國家都係加多約$30!好正啊!
【出發日期】
3月25日至11月30日
【訂票日期】
即日起至3月25日
【停留期限】
4個月
【訂飛網址】
Trip.com (連稅$3,629)
斐濟航空官網 (連稅$3,873)
平時想飛去奧克蘭,多數都係坐澳航/澳洲維珍航空/國泰/新西蘭航空,斐濟航空個價錢一直企得好硬,今次係難得地平!大家可以把握機會試下坐呢間航空公司喇!好似5月25日出發,6月5日回程,來回奧克蘭連稅都係$3,629!一個字!抵!
呢個優惠暑假出發得八月尾有平,不過套飛可以停留奧克蘭三個月,學生們可以早啲出發去過暑假!小編查過系統,五月尾考完試sem break出發,八月尾回程,都有唔少平飛架!
坐斐濟航空唔想只係路過斐濟,可以加多約$30中停楠迪,飲下真真正正嘅Fiji 水!
中停斐濟訂飛教學:
1. 先去斐濟官網搜尋香港<->奧克蘭咩日子有平飛先,然後抄下香港->奧克蘭航班號碼,楠迪->香港的航班號碼。
2. 再搜尋多一次香港<->奧克蘭,回程日期是奧克蘭飛楠迪停留的日子,有平飛的話抄下奧克蘭->楠迪的航班號碼。
3. 最後利用多個目的地功能,打番岩岩抄左日期入去,就會搵到平飛架啦!想去程中停亦係一樣做法!
小編搵到5月25日香港飛楠迪,27日楠迪飛奧克蘭,6月5日奧克蘭返香港,來回連稅$3,664!
奧克蘭係新西蘭最大城市,喺當地最出名嘅地標天空塔可以將奧克蘭夜景一網打盡!天空塔附近亦係奧克蘭最熱鬧嘅地方,睇景行街兩不誤!
(From Wikipedia)