香港東涌世茂喜來登酒店Sheraton Hong Kong Tung Chung Hotel開賣零房價，宜家跌到一晚$1,200 起，回番同房價同等價值餐飲消費額，用黎食中菜、Buffet都可以！
相關優惠：萬豪旅享家 Marriott Bonvoy 會員政策、簡介、賺取積分方法｜可享免費早餐、行政酒廊、房間升級等
【香港東涌世茂喜來登酒店】零房價住宿優惠
香港東涌世茂喜來登酒店開賣零房價！跌到一晚$1,200 起！回番同房價同等價值餐飲消費額！
- 一晚豪華客房住宿$1,200 起 (連服務費$1,320 起)
- 房價同等價值餐飲消費額 (不連服務費)
如果想用 Dining Credit 食東涌世茂喜來登酒店自助餐，星期一至四自助晚餐每位$668，星期五至日自助晚餐每位$708，另加一服務費。
【預訂日期】即日起
【入住日期】即日起至7月13日
▼連嶼坊自助晚餐
【香港東涌世茂喜來登酒店】入住報告
位於東涌嘅世茂喜來登酒店係上年12月正式開幕！酒店一面望住無敵海景，另一面背靠山景，當中仲有180度全海景景色套房！
▼最細嘅豪華客房得280平方呎，無浴缸亦無海景！
▼俾多少少梗係upgrade番去套房，好似呢間行政海景套房，面積接近500平方呎，仲有埋個靚海景，包入貴賓酒廊Executive Lounge，有早餐同cocktail，小食甜品種類都豐富！
▼行政海景套房
▼貴賓酒廊
▼貴賓酒廊食物
想個景再正啲？一定係以下呢張圖既豪華海景套房，面積終於有番六百幾呎，雖然相比起其他酒店都唔算大，但個廁所多個打卡位都幾靚，浴缸對住個機場海景，呢個景暫時都係第一間，雖然宜家仲未開放訂到，好彩有朋友被upgrade酒店其中2間之一豪華海景套房可以參觀！
▼豪華海景套房
設施
3樓有一個對住海景嘅gym房同無邊際恆溫泳池，雖然真係比相象中細咗啲，真係游兩下就到對面，但日落時間去一邊浸住睇日落都幾正，不過疫情下泳池現時未開放。
餐廳
酒店共有4間酒吧及餐廳，嶼坊提供自助餐，仲有中菜采悅軒，海岸扒房同Lobby Lounge。
▼中菜采悅軒
▼海岸扒房戶外景色
推介去19樓嘅海岸扒房Sunset Grill，佢出面有戶外露天酒吧位置，望到對面機場景色，坐係到飲酒呢點又確實幾chill。亦可以係度享用乾式熟成肉及各款烤物，於餐前跟朋友來細味小酌！
▼海岸扒房
位置
酒店由東涌市中心距離約10分鐘車程，由東涌港鐵站步行去酒店大約更需要約20分鐘，如果大熱天時行去都幾辛苦。而且酒店並無提供接駁巴士，所以小編覺得位置上真係扣咗分。
小結
以新酒店來講，位置同房間面積較細呢點都比較輸蝕，而想試吓新酒店都可以考慮下，當然可以住海景房/行政海景套房就更好啦！
▼香港東涌世茂喜來登酒店
香港東涌世茂喜來登酒店位於活力非凡的社區中心，賓客可盡享舒適非凡的多種空間，並在屋頂日落燒烤餐廳和採悅軒中餐廳一邊大快朵頤，一邊飽覽大海和大嶼山的迷人景觀。