fbpx
Flyday.hk 低成本旅遊情報網
Home 酒店優惠 【香港瑞吉酒店優惠】開賣六折現金禮券!最平$2,400買$4,000!3大套票優惠賣到去六月,24 小時住宿$2,450 起包$1,000餐飲消費額連雙人早餐

【香港瑞吉酒店優惠】開賣六折現金禮券!最平$2,400買$4,000!3大套票優惠賣到去六月,24 小時住宿$2,450 起包$1,000餐飲消費額連雙人早餐

by Flyday.hk
0 comment

香港瑞吉酒店The St. Regis Hong Kong再次推出六折現金券,最平$2,400就可以買到$4,000面值,每次入住仲送兩杯歡迎飲品!另外 24 小時住宿體驗優惠」延長去到6月,房價$2,450 起包$1,000餐飲消費額連雙人早餐,套房St. Regis Suite $4,000 起就包$2,000餐飲消費額!其他套票「The Art of Celebration優惠」「Stay and Dine at The St. Regis Hong Kong」亦都一樣延長咗去6月尾呀! 


【香港瑞吉酒店六折現金禮券

香港瑞吉酒店再次推出現金券優惠,無上次半價咁抵,不過六折都值得入手,每次入住仲會送多兩杯歡迎飲品!暫時見Flexible Rate 最平$2,400 (連服務費$2,640),即係話用$2,400買$4,000現金券,仲可以有大約$1,300用黎消費,加少少錢夠兩個人食餐飯。又或者官網賣梗St. Regis Suite 套房$3,600 (連服務費$3,960),即係話用$2,400就可以訂到一晚套房,萬豪白金或以上會員仲會送早餐添!

【抽iBond認購優惠】限時開戶零成本賺二千幾!送你免費Staycation (價值$1,600)

留意今次只可用於星期一至四嘅住宿,多過兩晚或者分開唔同時間入住就要再用另一張現金禮券!

  • 以六折買現金券 (以$2,400買$4,000面值;或$3,600買$6,000面值)
  • 每次只可最多用一張現金券 (最多兩晚)
  • 只可用於Flexible Rate的預訂、泊車服務、迷你酒吧、客房內品嚐下午茶、客房餐飲服務以及The Drawing Room單點菜單上的菜式 (限午餐和晚餐) (留意不可用於L’Envol)
  • 禮券僅適用於在週一至四期間入住 (2021年6月13日至14日以及30日至7月1日除外)

【預訂及入住日期即日起至7月8日
【現金券預訂網址香港瑞吉酒店網站
【房間預訂網址】香港瑞吉酒店官網


【香港瑞吉酒店24 小時住宿體驗

呢個優惠堅係抵,房價$2,450 起 (連服務費 $2,695 起) 就包咗$1,000餐飲消費額,免費升級去尊貴豪華客房同埋24小時入住體驗,仲有多項福利,比平時起碼平咗一半啊!入住套房St. Regis Suite $4,000 起 (連服務費 $4,400 起) 就包$2,000餐飲消費額!

  • 一晚香港瑞吉酒店尊貴豪華客房
  • $1,000餐飲消費額、套房包$2,000餐飲消費額
  • 24 小時入住 (check in時計)
  • Virgin Canto Mary 雞尾酒兩杯
  • 1小時定制私人健身訓練

【預訂及入住日期即日起至6月30日
【預訂網址香港瑞吉酒店網站

相關優惠:【2021生蠔自助餐】6月份最新!蠔迷注意!7間任食生蠔酒店自助餐優惠推介

【香港瑞吉酒店The Art of Celebration優惠】

呢個係套房專屬優惠,房價$3,700 起 (連服務費$4,070 起) 就包雙人下午茶、早餐、香檳同埋St. Regis 特色 Virgin Canto Mary 雞尾酒兩杯!

  • 一晚香港瑞吉酒店St. Regis套房
  • 雙人Drawing Room/房內下午茶
  • 雙人房內早餐
  • Virgin Canto Mary 雞尾酒兩杯
  • 送香檳一枝
  • 訂制迎賓禮物

【預訂及入住日期即日起至6月30日
【預訂網址香港瑞吉酒店網站


【香港瑞吉酒店Stay and Dine at The St. Regis Hong Kong優惠】

呢個優惠堅係抵,房價$2,438 起 (連服務費 $2,681.8 起),包雙人潤餐廳早餐及兩選一餐飲體驗:雙人三道菜晚餐套餐可在The Drawing Room或客房內享用/客房内享用下午茶!入住套房St. Regis Suite $3,438 起 (連服務費$3,781.8 起)!

  • 一晚香港瑞吉酒店豪華客房住宿
  • 雙人潤餐廳早餐
  • 以及餐飲兩選一:
    – 雙人三道菜晚餐套餐,可在The Drawing Room或客房內享用
    – 或客房内享用下午茶

【預訂及入住日期即日起至6月30日
【預訂網址香港瑞吉酒店網站

相關優惠:【2021香港酒店優惠】6月十大酒店優惠Staycation!香港酒店住宿套票特價整合

【小編入住報告】

St Regis 一直係小編好想住既酒店之一,但係平時面價要接近$3,000起,咁貴完全唔捨得住!但而家疫情下有個優惠,只要去萬豪旗下10間酒店餐廳食飯滿$500,即時獲該酒店半價住宿連早餐券!(詳情) ***政策隨時變,可以去之前打去同酒店確認一下。

【房間】

今次小編預訂既係最普通既Deluxe Room,價錢係$2,950,半價即係$1,475 (未連加一)!由於係白金會員,被升一級至Corner Room (Grand Deluxe Room),最高樓層!雖然係最高樓層,但係因為地理位置問題,其實都係無乜景睇…..想睇靚景既話去隔離個間Renaissance 啦!

值得一提既係套電視音響,音質一流!就係呢種音質,所以小編煲Netflix 煲左成日。(記得帶電腦黎駁落電視睇)

▼ Grand Deluxe Room

▼ WG 茶包及咖啡

▼ 景觀 (等於無景)

▼ 浴缸打卡一流

▼ 浴室

▼ 浴室備品

▼ 浴室備品

【米芝蓮一星法菜】

今次小編就試左L’Envol,Lunch Set 3道菜每人$688,雖然只係三道菜,但已經飽到上心口,前菜必試大紅蝦,啲蝦膏濃郁到係口腔入面徘徊一段時間~主菜叫左鮟鱇魚,配鵝肝係出奇地夾!另外要留返少少肚試Petite Four,佢地會推架甜品車出黎,俾你任揀,好想每一舊都試下!

▼餐牌

▼餐前麵包

▼大紅蝦,啲蝦膏濃郁到係口腔入面徘徊不散

▼Petite Four

▼甜品

點食都好,只要食夠$500 就有張半價券,可以即食即刻上房,亦可以兩個星期內使用。

【服務】

黎到St Regis 當然係講服務,佢地最出名就係管家Service,由入住一刻已經幫你打理好所有細節,Check in、Check out、訂枱食飯、沖茶沖咖啡、或者健身室預留位置等等,貼心得黎又唔做作,會感受到個種由心而發嘅服務。不過小編並唔係中意成日要求呢樣個樣既人,所有無用到太多呢個Service。

【早餐】

早餐可以係留下Drawing Room 或者潤餐廳度食,如果疫情下想In-room 又得!小編咁岩兩者都試左🤣🤣🤣一個人in room 另一個人樓下食。係St Regis 食早餐,係食個種精緻,你唔會見到大堆頭乜野都有得食,所以選擇比較少。而In-room 同係樓下食既野都差唔多,所以俾我再揀我揀In-room,舒舒服服係間房嘆下🤣🤣🤣

▼早餐餐牌

▼Egg Benedict

▼即點即煮早餐

【總結】

千幾蚊真係好抵住,如果之前有買落Marriott Gift Card,可以有額外8折,仲包早餐,但係要留意景觀較為普通。

香港瑞吉酒店The St. Regis Hong Kong

相關優惠

發佈留言

This site uses Akismet to reduce spam. Learn how your comment data is processed.