香港有唔少酒店都擁有超靚嘅打卡浴缸，有齊落地玻璃窗、一望無際嘅大海景、奢華大理石浴缸等等！其他酒店也都各出奇招，例如Little Tai Hang設有下沉式浴缸、香港愉景灣酒店設有可以浸浴嘅步入式淋浴間、Cordis更加每間房都有浴缸等。今次小編就一次過公開8大酒店打卡浴缸推介，大家記得bookmark定去影靚相喇！
【香港W酒店 W Hong Kong】落地大玻璃日落美景、打卡按摩浴缸
香港W酒店W Hong Kong坐落於西九，可以影到超開揚嘅海景，成個感覺勁浪漫！酒店所有房間均配備浴缸，Cool Corner Room嘅浴缸更係正對落地大玻璃，可以欣賞西九嘅日落美景及夜景！想打卡嘅可以提早預約，每層樓只得一間！WOW Suite 及以上級別嘅套房更可享受按摩浴缸！»優惠詳情
香港W酒店W Hong Kong
- 地址：九龍柯士甸道西1號 (地圖)
- 電話：3717 2222
- W Hotel Hong Kong酒店官網
▼Cool Corner Room浴缸
▼WOW Suite 按摩浴缸
相關優惠：【2022香港酒店優惠】6月十大酒店優惠Staycation！香港酒店住宿套票特價整合
【香港康得思酒店 Cordis】大理石浴室、夢幻泡泡住宿套餐
香港康得思酒店Cordis所有房間均設有大理石浴室及浴缸，全部都可以欣賞到城市景觀。其他套房更設有唔少特色設施，例如主席套房設有私人按摩浴池、「川」悠然套房設有私人蒸氣室等。»優惠詳情
香港康得思酒店Cordis
▼夢幻泡泡住宿套餐
▼高級客房
【香港愉景灣酒店 Auberge Discovery Bay Hong Kong】步入式淋浴間、一望無際嘅海景
香港愉景灣酒店Auberge Discovery Bay Hong Kong嘅房間多以藍白色為主調，賓客可選擇入住山景房或海景房。酒店目前所有山景房均設有浴缸，並且可以欣賞到翠綠山巒嘅美景。而海景房則設有步入式淋浴間，部分更添置咗浴缸，同樣都可以欣賞到一望無際嘅海景。»優惠詳情
香港愉景灣酒店Auberge Discovery Bay Hong Kong
▼海景單卧室套房 浴室
【香港美利酒店 The Murray Hong Kong】超奢華雲石浴室、橢圓形浴缸
香港美利酒店The Murray Hong Kong設計感十足，最出名嘅打卡位一定要數房內嘅雲石浴室。浴室以雲石打造，並以黑色同金色作配襯，整體奢華大氣。浴室中間係奢華嘅橢圓形浴缸，賓客可以係酒店好好浸下浴！酒店目前只有N2 Grand或以上房型配有浴缸。»優惠詳情
香港美利酒店The Murray Hong Kong
▼ 奢華橢圓形浴缸
相關優惠：【2021自助午餐推介】自助午餐優惠每位低至$302.6 起！六大抵食酒店自助午餐推介
【奕居 The Upper House】超療癒水療風格、730尺客房
奕居The Upper House係香港最頂級嘅酒店之一，即使係最基本嘅客房都有730尺，大過唔少酒店嘅套房！酒店嘅所有房間都配備咗浴缸，大小及景觀會隨房型而變，例如Studio70、80嘅浴缸就比其他房間大10坪，可以欣賞到超開揚嘅景色！»優惠詳情
奕居The Upper House
- 地址：香港金鐘道88號太古廣場奕居 (地圖)
- 電話：2918 1838
- Upper House奕居官網
▼浴缸景觀超開揚
▼浴室以水療風格設計，超有療癒感
【香港文華東方酒店 Mandarin Oriental Hong Kong】超豪華橢圓形浴缸、落地玻璃窗海景
香港文華東方酒店Mandarin Oriental Hong Kong個打卡浴缸真係超出名，特別係海景套房個景觀，真係靚到不得了！海景套房浴室超寬闊，配有超豪華橢圓形浴缸，前面就係落地玻璃窗，可以歎住睇海景！酒店目前所有房間均配備浴缸，但只有海景套房嘅浴缸可以欣賞到臨海嘅景色。»優惠詳情
香港文華東方酒店Mandarin Oriental Hong Kong
- 地址：中環干諾道中5號 (地圖)
- 電話：2522 0111
- 香港文華東方酒店官網
▼超豪華橢圓形浴缸
相關優惠：【2021自助午餐推介】自助午餐優惠每位低至$302.6 起！六大抵食酒店自助午餐推介
【香港瑰麗酒店 Rosewood Hong Kong】尖沙咀超五星酒店、奢華大理石浴缸
香港瑰麗酒店Rosewood Hong Kong坐落於尖沙咀維多利亞港海景最前排，於上年全新開幕，屬於超五星酒店！香港瑰麗酒店所有房型均配有奢華大理石浴缸，豪華程度更會跟隨房型升級，部份更可對住海景浸浴！»優惠詳情
香港瑰麗酒店Rosewood Hong Kong
▼奢華大理石浴缸
【Little Tai Hang】湖水綠色瓷磚、落地玻璃窗維園海景
Little Tai Hang呢個打卡浴缸，同埋酒店本身一樣咁低調！酒店嘅海港景角落一室公寓係最受歡迎嘅房型，無論係客廳同埋浴室都可以望到海景！浴室用湖水綠色同白色瓷磚作為主調，充滿藝術感，更坐擁落地大玻璃，可以同時望到維園及維港景色！酒店目前只有Studio Corner Harbour View設下沉式浴缸（有海景）及One Bed Room Standard Harbour View設普通浴缸（無海景），前者現時只需$1,071便可入住！»優惠詳情
Little Tai Hang
- 地址：香港銅鑼灣道98號 (地圖)
- 電話：3899 8888
- Little Tai Hang官網
▼下沉式浴缸
