位於半山的服務式住宅麥當勞道貳號Two MacDonnell Road Hong Kong最新山頂纜車摩天套票 + 早餐全包$986 起！麥當勞道貳號所有客房都有廚房，有得煮下野食，試下一晚進駐半山住宿體驗啦！
其他網站折扣代碼可以參考另一篇：持續更新！2024年7月旅遊優惠碼｜Agoda、hutchgo、Klook、Kkday、Trip.com、永安旅遊｜機票/酒店/本地活動優惠碼/Discount code 大曬冷
【麥當勞道貳號酒店優惠】山頂纜車摩天套票 + 早餐
- 一晚麥當勞道貳號酒店園景客房住宿連服務費$986 起
- 雙人山頂纜車摩天套票 (山頂纜車+
淩霄閣摩天台428入場) - 雙人單點早餐
- 一至五有免費穿梭巴士往返中環
【優惠日期】即日起至9月27日
【入住日期】9月19日至11月30日
(折扣優惠碼)
▼園景客房
▼山頂纜車
▼Café bar on 8 環境
麥當勞道貳號個地理位置真係超一流，真真正正坐落於傳統半山區，今次俾幾百蚊就體會到一晚半山生活！
▼園景套房
▼ 麥當勞道貳號大堂
酒店試住員實測：
今次試住員入住位園景客房，仲有雙人單點早餐、「綠野仙蹤」雙人下午茶，同埋28小時嘅住宿體驗。
早上11點可以check-in，其實真係好吸引，不過時間上配合唔到就直接3點check in直接去食tea先。Check-in reception同cafe bar on 8都喺8樓，職員幫我check in都好有禮貌，好詳細講解住宿同服務嘅須知，例如選擇食咩早餐、幾點送上房等等都好清晰同有耐性。
▼酒店大堂
去cafe bar on 8食tea，職員安排咗最靚嘅窗邊座位俾我哋，望到靚風景又可以盡情打卡。Tea set等咗20分鐘左右，職員會溫馨提示叫我準備相機拍片/照相，因為這個「綠野仙蹤」下午茶有好夢幻嘅乾冰雲霞飄出來，比起一般嘅下午茶特別，有得拍吓片for fun又吸睛度幾高。份量適中偏飽少少，鹹點好好味：迷你和牛漢堡包、小龍蝦包、黑松露帶子他他，不過甜點就一般，唔算好驚喜，吸睛度搭夠啦。
▼cafe bar on 8下午茶
▼cafe bar on 8下午茶
食完上31樓號園景客房休息，一開口就見到廳好光鮮，主要用白色、米色、淺灰色做主體，係我最鐘意嘅居家顏色組合，大玻璃見到晒中環半山園景，感覺好舒服，好有居家嘅感覺。有個L位嘅小廚房，仲有微波爐、抽油煙機同電池爐。睡房空間舒適，又有大玻璃窗望到外面廣闊嘅風景，洗手間用白雲石設計，高級感提升。唯一美中不足嘅我覺得係冷氣問題，因為我好怕凍，瞓覺前會好好調節溫度及風力，但佢係舊式冷氣掣，可以調節嘅程度有限，又咁岩風口位吹正塊面，所以調教到風力最細都依然好凍。
▼園景客房
▼園景客房
▼園景客房
▼園景客房景觀
第二朝早餐需要去到8樓自取，然後拎返上房食。我揀咗個all day breakfast，算好大份量，有炒雜菇、焗蕃茄、炒滑蛋、Bacon、香腸、薯餅、多士，好豐富又好好味，望住靚風景見到咁好天，又食住好味嘅早餐，心情特別愉快。
▼房內早餐
總括來講，呢個package嘅staycation值得一試，房間好舒服帶點小溫馨嘅居家感、靚景靚Tea靚早餐，服務都非常周到，酒店嘅員工都好有禮貌仲面帶笑容，有求必應嘅服務，我同朋友都好滿意同enjoy啊！