黃金海岸酒店Hong Kong Gold Coast Hotel推出多個客房優惠，全包$1,380 起連$500餐飲額同房內迷你吧，可以限量搶升級至豪華海景客房連露台！另外連豪華海景客房、早餐、盛夏海風下午茶、房內迷你吧全包$1,700 起。豪華海景客房兩晚連每日2餐全包$3,900 起；陽台套房連2大2小早餐及$500餐飲額全包$3,600 起。
【香港黃金海岸酒店】連$500餐飲額！限量搶升級至豪華海景客房連露台
- 一晚香港黃金海岸酒店豪華海景客房住宿連服務費
9月一至四$1,380；10月一至四$1,530
- 限量搶每個入住日首2間預訂可升級至豪華海景客房連露台
- $500餐飲消費額 (可用於海岸扒房、沙嗲軒、粵、聆渢咖啡廳、大堂酒吧)
- 房內迷你吧
【優惠日期】8月5日22:00至8月19日23:59
【入住日期】9月1日至10月31日 (一至四入住；9月9－12日、10月1－4日不適用)
▼豪華海景客房連露台
【香港黃金海岸酒店】豪華海景客房、早餐、下午茶
- 一晚香港黃金海岸豪華海景客房連服務費
9月一至四$1,700；五及日$2,000；六、9 月9、30日$2,600 - 2人早餐
- 2人盛夏海風下午茶
(鹹點：煙三文魚蟹肉三文治、迷你烤雞菠蘿麵包圈、煎帶子三文魚子撻、炸蝦餅配芒果蛋黃醬、迷你熱狗；甜點：「沙灘草帽」- 椰子慕絲配菠蘿啫喱及椰子脆餅、「彩色人字拖」 – 紅桑子意式芭菲、「沙灘椅」上的蜜瓜薄荷啫喱撻、木糠布甸配蝶豆花大菜糕 ，奉送茶或咖啡) - 房內迷你吧
【優惠日期】8月5日22:00至8月19日23:59
【入住日期】9月1日至9月30日
▼盛夏海風下午茶
【香港黃金海岸酒店】豪華海景客房連每日2餐！限量搶豪華海景客房連露台
- 香港黃金海岸酒店豪華海景客房兩晚連服務費
9月：一至三$3,900 起；四$4,100 起；9月8、29日$4,500 起
10月：一至三$4,200 起；四$4,400 起 - 限量搶：每個入住日首6間預訂可升級至豪華海景客房連露台
- 每日雙人早餐
- 海岸扒房5道菜晚餐
(推介：北海道帶子三文魚薄片伴黑魚子忌廉、烤肉眼扒 配香煎鵝肝、西蘭花、薯蓉及紅酒濃汁) - 第二日享用「粵」鴛鴦鵝午市套餐
(點心拼盤、黃金脆素鵝伴櫻花蝦煙肉高麗菜、黃金燒鵝皇瀨粉、【粵】式甜品) - 房內迷你吧 (每次入住一次)
- 加$600即可升級至尊尚海景客房連露台/2晚
【優惠日期】8月5日22:00至8月19日23:59
【入住日期】9月1日至10月31日 (一至四入住)
▼海岸扒房
【香港黃金海岸酒店】陽台套房連2大2小早餐及$500餐飲額
- 一晚香港黃金海岸陽台套房連服務費
8月31日$4,800；8月5-30日一至四$5,800
9月一至四$3,600；五及日$4,000；六、9 月9-12、30日$4,500
10月一至四$3,800；五及日$4,200；六、10 月1-4日$4,800 - 2位成人、2位11歲或以下兒童早餐
- $500餐飲消費額（可用於海岸扒房、沙嗲軒、粵、聆渢咖啡廳、大堂酒吧）
- 房內迷你吧
- 加$800可升級至海灣套房
【優惠日期】8月5日22:00至8月19日23:59
【入住日期】9月1日至9月30日
▼陽台套房
【試住員試住報告1】
今次住足海景露台房24個鐘，下午3點入住，第二日下午3點先退房。餐飲方面有入住日當日去扒房食雙人午餐，第二朝雙人自助早餐，仲包咗房內免費迷你吧。
▼海景露台房
海岸扒房三道菜午餐
到埗後先到黃金海岸扒房食三道菜午市套餐，坐低冇耐侍應就好快送上一盤暖暖嘅麵包。前菜南瓜湯好甜好香，大蝦尼斯沙律有橄欖油作醬汁，味道幾清新。主菜慢煮牛臉頰肉有車厘茄搭配，食落鮮甜，但配菜就唔太啱我口味，而香煎鱈魚鱈魚味道不錯。甜品環節有朱古力布甸配雪糕，食落去好似朱古力心太軟，對於鐘意食朱古力嘅我嚟講絕對係超正嘅飯後甜品～ (唔想食午餐都可以轉食tea set)
▼望住開揚景觀享用雙人西式扒房午餐
▼大蝦尼斯沙律同埋南瓜湯
▼慢煮牛臉頰肉
▼香煎鱈魚
▼朱古力布甸配雪糕
海景露台客房客房
今次既重點當然係佢個露台啦！客房比想像中大，加埋個寛闊嘅露台，成間房空間感十足！第二日好好天，一起身行出露台，望住個黃金海岸景色，好有渡假嘅氣息。疫情持續咁耐，間唔中都要放風，去吓間渡假感重嘅酒店搵翻個遠行感覺！連渡假最重要既浴缸都有，可以浸返夠本！套票包咗房內迷你吧，有6罐飲品免費飲用，夜晚可以邊睇電視邊暢飲。
▼海景露台客房客房 景觀
▼海景露台客房客房 房內環境
▼海景露台客房客房 辦公桌
▼海景露台客房客房 浴室配備浴缸
▼房內迷你吧，有6罐飲品免費飲用，夜晚可以邊睇電視邊暢飲
Cafe Lagoon自助早餐
起身之後，就到Cafe Lagoon食自助早餐，難得可以揀室外食見天氣咁好就揀咗室外坐，環境一流！食早餐時順便呼吸下新鮮空氣refresh下個人吖嘛！估唔到平日都有咁多人食早餐，唔知大家係咪都WFH緊呢？食物款式應有盡有，有熱食凍食，個人最鐘意係佢個任拼車仔麵，喇沙湯底勁惹味，足足食咗兩碗！唔想咁heavy食麵底嘅話可以揀菜底添！行去飲品吧亦有專人即叫即沖飲品。
▼Cafe Lagoon自助早餐
▼Cafe Lagoon自助早餐 環境
▼任拼車仔麵
▼有即叫即整Pancake
▼點心都有
▼戶外露天座位 擁有超開揚景致
周邊環境
酒店周邊好好行，食完早餐即到餐廳出面公園行下，有唔少棕櫚樹又靠近海邊，環境超有外國渡假feel。沿住海邊一路行就去到附近嘅黃金海岸商場，商場食肆林立，有西餐廳、茶餐廳或連鎖餐廳，唔驚冇野食！商場隔離就係遊艇會，泊滿咗大大小小嘅遊艇。酒店另一邊就係好出名嘅黃金海岸沙灘，啱晒一家大細或者情侶玩下沙、吹吹海風再返酒店。
▼酒店環境
▼鄰近黃金海岸沙灘
總結
呢個package只有經Flyday預訂先有，仲可以獨家升級露台房㗎～冇露台嘅話住落感覺真係差好遠。下午3點先退房，唔使食完早餐趕住走，有時間放慢腳步周圍Hea下行下。疫情期間少咗外出，有時都唔記得放假時候點樣放鬆，可以體驗吓呢間酒店內外帶俾你嘅渡假感覺，Chill住過返個週末！
▼黃金海岸酒店 外觀
【試住員試住報告2】
黃金海岸酒店係今次試住員一家每年必住酒店，酒店環境好舒服，又多小朋友設施，之前聖誕仲推出Pokémon 主題住宿計劃， Pokémon迷一定要入住獨特的 Pokémon主題房，入住仲獲得一份Pokémon禮物，還有各樣有趣的戶外活動和工作坊，小朋友一定會喜歡。一齊黎睇下入住報告～
Pokémon 主題房間
當日Check in時已經收到靚靚入住禮物比卡超咕𠱸，小朋友即刻攬住唔捨得放手，一入到房真係嘩一聲，全間房都係Pokémon佈置，包括床單、窗簾、地氈、露台玻璃門同廁所鏡都有，真係好正。房內仲有幾個Pokémon公仔，阿仔見到又係攬住勁開心，我哋住喺6樓海景露台房，景觀望到遊艇會，海景開揚，露台有枱同椅，夜晚係度飲嘢好chill！
洗手間有浴缸，小朋友最鍾意浸浴，我仲特別準備咗個精靈球浴球黎浸浴。房內備有小童牙刷同埋拖鞋，十分體貼。房內送一轉minibar，包括兩罐百事、兩罐菊花茶同兩罐檸檬茶，今次入住酒店仲送咗果盤添。
Pokémon 四項戶外遊戲
係房間留咗一陣放低行李就落樓玩Pokémon 戶外遊戲。地點係酒店廣埸，共有四項遊戲，包括三款吹氣遊戲「勇闖迷宮」、「彩色糖果屋」、「滑梯」 同埋一款「智趣小騎士」駕駛體驗，不過呢個小朋友較難控制，阿仔最開心係玩跳彈床，當日係平日，人流不多，攤位職員好好，比阿仔玩咗好耐。
設施
玩完戶外遊戲之後再到鯊魚冒險島玩。呢度係阿仔最愛，每次黎都會玩，住客優惠$75一節(包一大一小)玩45分鐘，所有入場人士必須著襪入場，以保持衛生清潔。入面除咗玩樂設施，仲會有兒童圖書可以供場內睇，好動好靜都啱玩！酒店仲有小火車及飛索，但今次玩其他設施已無時間去了。另外酒店戶外泳池12月仍有開放，但因天氣凍我地都無去玩。
早餐
早餐係聆渢咖啡廳度食，可能因為係星期二朝早既關係，人數不多而且不限時可以慢慢食！早餐係自助形式，種類都幾豐富。中式/西式、點心腸粉、麵包、煙三文魚、ham、水果、穀物等等，精緻大路野為主，另外仲有Egg station同埋即點即製麵檔，可以食五香肉丁公仔麵！
蛋糕造型蠟燭設計坊
食完早餐後就去貴賓廰玩蛋糕造型蠟燭設計坊，場內導師好細心幫小朋友溶蠟燭再倒入個模具內，小朋友可以自己加入喜歡的裝飾。製成品好靚，最後加個靚靚合裝住可以帶返屋企。
總結
今次Pokémon主題，喺酒店設置多個打卡位，Pokémon 照相站及 Pokémon 毛絨玩具聖誕樹，佈置認真影相真係好靚！加上主題房及好玩戶外遊戲，啱哂適合一家大細聖誕staycation！
相關優惠：【2022香港酒店優惠】6月十大酒店優惠Staycation！香港酒店住宿套票特價整合
▼游泳池及滑水梯
▼黃金水動樂園
▼酒店距離市區約30分鐘車程，俯瞰青山灣碼頭沙灘景色，在港度假住宿首選，豪華海景客房377平方呎 (35平方米)，配備舒適雙人大床。房間配備迷你吧和茶具以及咖啡設備，浴室設有浴缸，早上醒來享受迎面而來的海風，倍感清新。
相關優惠：【2021自助午餐推介】自助午餐優惠每位低至$302.6 起！六大抵食酒店自助午餐推介
▼黃金海岸酒店
黃金海岸酒店
