嚟到曼谷玩，日夜生活多姿多彩，放曬電之後返到酒店想有家嘅感覺？又想唔使出街、行出露台就欣賞到曼谷繁華夜景？咁又可唔可以同時足不出戶遠離煩囂，係一個城市綠洲度玩下golf幫身體充充電？仲想離地啲，朝早起身享受高高在上碧波暢泳嘅環境？嘩！唔係發夢，真係有咁嘅地方！等小編今次介紹下曼谷巿中心137 Pillars Residences Bangkok，宜家仲有一個方法免費入住呢個新酒店！
送全新超豪華五星曼谷酒店住宿！11月30日前新客戶經Flyday 申請任何Citibank 信用卡 (HKTV mall及學生卡除外)，批卡後簽夠$800 (增值PayMe/Alipay/WeChat都得) 即送三揀一曼谷豪華酒店兩晚住宿！包括有新開嘅國際品牌Sindhorn Kempinski Hotel，以及無邊際泳池酒店137 Pillars Residences Bangkok，同埋新開打卡酒店 The Standard, Bangkok！無其他額外要求！記得要填form揀禮品！頭1,000個申請仲額外送曼谷BTS儲值卡一張 (由泰國政府旅遊局香港贊助)，價值THB 100！
【申請期】11月10日至11月30日 (需於11月30日或之前交齊文件及12月14日或之前批卡)
第一步 >申請信用卡
(必須透過此連結申請)
*按下連結後在網址上會顯示Flyday 字眼，建議一氣呵成完成申請表格。
第二步 > 23年1月14日前填form揀選心水禮品
(申請左可以即填，不用等批卡先填)
第三步 >於23年1月14日前簽夠HK$800
(電子錢包增值PayMe/Alipay/WeChat都計)
第四步 >免費嘆曼谷靚酒店
(合資格客戶於2023年3月頭將收到換領獎賞通知。屆時憑確認電郵前往旺角的禮品中心領取禮品。)
****禮品選擇先到先得，如機票或酒店之換領限額滿額，將會自動獲發另一選擇之禮品。
137 Pillars Residences Bangkok介紹：
137 Pillars Residences Bangkok係泰國一間豪華精品酒店嘅品牌。位於曼谷嘅酒店開業於17年。疫情過後酒店設施都非常簇新。酒店位於市中心，雖然唔近BTS，但係酒店提供咗一架London Taxi嘅shuttle！每半個鐘頭開出一班，只係2分鐘左右嘅車程就去到BTS Phrom Phong站。車站側跟都有大型商場，幾新幾靚。
▼酒店提供London Taxi shuttle服務
酒店員工服務態度非常好。一入酒店大堂，職員就提供特色嘢飲。上到房間，都可以揾到一啲小食同朱古力。今次小編住嘅係Residences旗下嘅The Pillars Executive Studio Residences。房間非常簡潔寬敞，面積有45平方米。一入門口就有一個開放式廚房，有齊爐頭、大型雪櫃、焗爐、煮食用具一應俱全，茶具咖啡機下面仲有洗衣機提供。
▼Studio房型
▼開放式廚房一應俱全
旁邊有一張兩人用餐枱，如果係曼谷長住幾日都可以同朋友煮飯。客廳空間同樣充足，仲有景觀開揚嘅小露台，上面放置咗凳同小茶几。曼谷璀璨景色盡收眼底！睡房空間寬敞，有齊旅行生活所需的書枱同衣櫃，最後浴室同樣有驚喜，配備自動冲洗坐廁，廁板仲可以加熱，仲有浴缸可以浸浴。
▼浴室同樣有驚喜，配備自動冲洗坐廁，廁板仲可以加熱，仲有浴缸可以浸浴。
如果想睇更多泰國旅遊優惠資訊可以去泰國政府旅遊局(香港)官網呀！
酒店底層有一間餐廳，叫做Bangkok Trading Post。呢間餐廳樓底特別高，裏面嘅裝修都滲透住濃濃嘅英國風。小編就食咗呢度嘅早餐，除咗吧枱有自助早餐供應之外， 仲提供早餐Menu。早餐款式非常多樣，常見嘅英式早餐、泰式嘅嘢食都有得揀、仲可以搵到日本料理添！
▼Bangkok Trading Post早餐
▼Bangkok Trading Post早餐
▼Bangkok Trading Post早餐
酒店嘅設施係最吸引小編嘅地方！一般酒店有嘅gym同spa就唔重點介紹喇。位於同gym同層嘅6樓，行出去就見到一個平台花園，平台花園嘅側根竟然係一個高爾夫球練習場。平台花園嘅綠化空間都做得非常好，喺呢個城市綠洲裏面打Golf，真係非常寫意呢。
▼高爾夫球練習場
▼健身室
上到27樓，見到一個單邊無邊際泳池，居高臨下睇曬成個曼谷鬧市，真係超正！呢個都未係最犀利，上到頂樓，嘩！原來係一個三邊無邊際泳池！喺呢個泳池游水，景觀完全毫無遮擋，簡直有君臨天下嘅感覺。
▼27樓單邊無邊際泳池
▼單邊無邊際泳池同天空連成一線
去曼谷旅行，竟然可以搵到「回家」嘅感覺，家居設施樣樣俱全。酒店無論從服務、硬件、食物、環境、設施方面都做得幾稱心。下次嚟曼谷玩，可以試吓呢度喇。