至抵唔使4千蚊！飛往澳洲另一面！跳進海底世界，尋找世界上最快樂動物！來回珀斯$2,880 起 – 新加坡航空

新加坡航空之前做咗一連串悉尼、墨爾本優惠！今次終於輪到位於西澳嘅珀斯，最平四人同行優惠每人只需$2,880 (連稅3,813)，不過獨人行都係貴多$320咋！新加坡航空票價固然吸引，而珀斯同樣充滿魅力，唔只見到袋鼠/樹熊咁簡單，仲可以喺到搵到世界上最快樂動物 – 短尾矮袋鼠，仲有數之不盡嘅海洋生物！
而且交通四通八達，坐船、鐵路、公共交通巴士就可以到達目的地，所以話遊西澳唔一定要 跟團 ！講返榮獲全球最佳航空公司嘅新加坡航空，每日有四班機由新加坡來往珀斯，其中一班係用全新787執飛，機上提供一流服務，仲有佢地嘅轉機時間夠短，唔使過半鐘就走到人！當然俾小編揀就會停多一陣，因為可以用埋張新幣$20 (約港幣$115) 嘅樟宜機場現金消費券，休息下食下再上機！

*原來新航官網仲有好多優惠，彼如可於往來香港及新加坡航段用優惠$700 (每段)升級至優選經濟艙！優惠日期做到2018年12月31日咋！同埋，記得註冊成為KrisFlyer 會員，儲更多KrisFlyer哩數同享有獨家會員優惠！

珀斯市中心可造訪不同嘅博物館同藝術區，不過亦都可以預留幾日前往郊外，參觀不同嘅外島同海灘！

羅特尼斯島 (Rottnest Island) –由珀斯市區巴拉克街碼頭 (Barrack Street Jetty)出發，大約90分鐘船程。島上最著名嘅明星就係世上最快樂動物 – 短尾矮袋鼠，隨處都可以見到佢地，同佢地拍一張最萌嘅合照。而且呢度勁適合踩單車環島遊，仲可以衝浪、釣魚、行山、浮潛！喺島上最西邊嘅海灣仲好大機會睇到鯨魚同海豹。

科特索海灘 (Cottesloe Beach) – 只需乘搭鐵路於Cottesloe站下車，再步行10分便可到達！海灘座落於印度洋，係當地最受歡迎嘅海灘之一。 除咗可以喺金黃色沙灘暢泳、滑浪、潛水，仲可品嚐大量海鮮！不過最最最最最特有活動都係欣賞印度洋日落。

*2019年3月31日前出發，新航乘客可於樟宜機場第二或第三航廈轉機區的退稅櫃台領取每人新幣$20 (約港幣$115) 樟宜機場現金消費券！大部分商戶都可使用現金消費券，或用於折抵樟宜機場第二、三航廈的過境貴賓室 (Ambassador Transit Lounge) 最高兩小時的單次使用。Ambassador Transit Lounge貴賓室設施包括附設基本沐浴用品的淋浴間、輕食點心、當地與國際刊物以及免費的WiFi無線網路。

出發日期：即日起至2020年3月1日 (*因為官網淨係可以買到一年內出發既機票，所以航班暫時開賣到10月中，旺季日子除外)
訂飛日期：即日起至2020年3月1日
停留期限：2日至3個月

訂飛網址：http://www.singaporeair.com/zh_TW/hk/plan-travel/destinations/flights-to-Perth/

經過我地測試，乘坐新加坡航空，香港來回珀斯，2019年9月9日出發，16日回程，連稅$3,813。