新加坡航空向來都係飛澳洲嘅好幫手，勝在多澳洲航點揀同價錢相宜，出優惠果時四千蚊樓下就可以出發啦！好似來回坎培拉只需$2,500 (連稅$3,900)，今次唔使搵friend陪，一人出發，出發日子仲包埋暑假日子！至於坎培拉貴為澳洲首府，絕對唔比其他大城市失色，動靜態活動皆有，好似去老巴士停車場市集購物，離市區40分鐘車程嘅鐵賓比拉自然保護區走動，而區內亦有多間知名餐廳品嚐澳菜，希望大家唔好肥幾磅返黎喇！
坐新航需要喺新加坡轉機，快則2粒幾鐘轉到機，長則可以逗留四分三日時間喺新加坡玩，香港去新加坡果程仲要早上抵達當地，時間夠哂用！宜家轉機仲有張新幣$20 (約港幣$114) 嘅樟宜機場現金消費券呀！
*原來新航官網仲有好多優惠，彼如可於往來香港及新加坡航段用優惠
*2019年3月31日前出發，
坎培拉貴為澳洲首府，獲Lonely Planet評定為第三位最佳旅遊地！究竟有咩可以做呢？
國家植物園 (NATIONAL ARBORETUM) – 坎培拉雖小卻五臟俱全，喺城外邊就有個國家植物園，對於鍾意花花草草嘅人簡直係天堂！呢度曾經歷過嚴重火災，災後號召咗全國設計師重新設計呢片土地，選定100座森林及100個花園，當中保留咗全世界瀕危絕種嘅植物，同時亦收藏咗澳洲國家級各種盆景，好適合喺到野餐架！
伯利格里芬湖 (Lake Burley Griffin) – 唔講唔知原來坎培拉係因湖而建嘅城市，所以可以喺湖上進行各種水上活動，如遊艇、皮划艇、划槳船及帆板衝浪等等。除此之外，喺坎培拉經常可以坐到熱氣球，因為坎培拉有足夠嘅開放空間 (公園和草地)確保無論風往哪裡吹都能夠讓人享受熱氣球旅程，坐住熱氣球睇盡湖面美景及城市全貌，唔係個個地方都體驗到架！
鐵賓比拉自然保護區 (Tidbinbilla Nature Reserve) – 離坎培拉僅僅40分鐘車程就會進入另一個世外桃源，大家最想見嘅野生動物包括鴯鶓、袋鼠和美冠鸚鵡都會搵到！不過唔喜歡野外活動，亦可以留喺城內參觀澳洲國家美術館 (National Gallery of Australia) ，欣賞超過7,500多件澳洲、亞洲和原住民藝術作品！再唔係貼地啲，最好嘅本地體驗就係去每星期舉辦嘅老巴士停車場市集 (Old Bus Depot Markets)，由服裝到有機食物一應俱全。
出發日期：2019年2月11日至4月9日、4月22日至8月31日
訂飛日期：即日起至12月7日
停留期限：2至21日
訂飛網址：https://www.singaporeair.com/zh_TW/hk/plan-travel/destinations/flights-to-Canberra/
經過我地測試，乘坐新加坡航空，香港來回坎培拉，2019年6月10日出發，17日回程，連稅$3,900。
