小編成日黑人問號，點解咁多fans問一個trip玩哂日本+韓國。為咗滿足你地，小編發現用以下三程機票方法可以又平又玩到盡，玩齊首爾 + 大阪連稅都係$1,258 起！一齊睇下點訂飛啦！
【訂飛網址】
香港單程首爾段：TRIP.COM
首爾單程大阪段：AIR SEOUL
大阪單程香港段：樂桃航空
首先呢套機票，係自製三程單程 1) 香港飛首爾、2) 首爾飛大阪及3) 大阪飛香港嘅廉航機票，由於廉航係單程單程計，所以自由度大好多，可以任你點飛都得～今次小編就拎左首爾-大阪線出黎介紹俾大家啦！
1) 小編先搵大約2月9日出發，香港飛首爾段經TRIP.COM最平Tway賣緊單程連稅$594。
香港<->首爾線仲有其他廉航，例如Eastar Jet、濟州航空、首爾航空、Tway、HK Express，好多日子都有$600-$700 左右單程。
2) 假設係首爾玩咗3日後，第2程係2月12日早機首爾飛大阪，暫時見最低價係首爾航空AIR SEOUL，單程連稅約$255。
首爾<->大阪線仲有其他航空公司，例如Eastar Jet、濟州航空、真航空、首爾航空、樂桃航空、Tway，勁多選擇！
3) 最後個程就係大阪返香港，配合埋聽晚樂桃個回程優惠，連稅最低價約$409。
大阪<->香港線仲有其他航空公司，例如HKexpress、jetstar！
就係咁，3段駁埋一齊$594+$255+$409連稅就係$1,258咋 (雖然仲未計行李^^)！但咁樣一票兩地都係飛3程就搞掂啦！
同樣方法仲可以去日本其他地方，自己試下睇其實首爾嘅廉航有好多航線飛去日本既二三線城市架！
小貼士：記得留意行李價錢呀，呢個$1,295 價錢係全部未包行李既～如果要訂行李既話記得要去官網買飛再即時訂行李啦，咁樣會平啲！
以上例子後加行李tway 15KG $280、首爾航空airseoul 15KG $197、 樂桃 20KG $231，機票+行李總共約$1,966。所以想要行李就要分配好手提+寄艙行李，同朋友一齊夾就會慳多啲啦！
3 comments
小編:
搭T’way香港韓國航線，是否含15KG的托運行李和10KG手提行李(看官網不什明白)?
唔係呀~要視乎每隻票價，最平個隻票價唔包托運行李～剩係包手提行李。
謝謝!