fbpx
Flyday.hk 低成本旅遊情報網
Home 酒店優惠 【小編試住報告】灣仔The Fleming仿古風精品酒店!以天星小輪作設計靈感

【小編試住報告】灣仔The Fleming仿古風精品酒店!以天星小輪作設計靈感

by Flyday.hk
0 comment

The Fleming 一開業就受到關注,因為佢嘅每一個角落都充滿著復古嘅味道,好有花樣年華嘅電影感。其實佢係以極具香港特色的渡海小輪作為設計靈感,所以酒店處處都會見到小輪的影子。


【小編入住報告】

今次就趁住平日入住The Fleming Hong Kong,套票包一晚住宿連位於酒店地下嘅意大利餐廳Oysteria Marzia嘅$200餐飲券,而且仲可以免費升級至可預訂的最大房間同埋延遲退房至2點。

【入住大堂】

The Fleming Hong Kong係以天星小輪作為設計靈感,整體復古,具設計感,而且色調都係用上天星小輪嘅顏色,令人一入到去就感受到滿滿嘅設計風格!佢地嘅入住大堂一向係打卡位,唔少人都會係度影相架!

▼佢地嘅佈置、裝飾勁復古呀!

▼酒店裡面每間房嘅房門都被設計成了艙門咁,好有置身遊輪嘅感覺!

【特大房型】

▼當日嘅特大房型咁啱係空間,所以就被免費upgrade咗上去!房間有36平方米大,有張超大嘅King Size睡床!

▼90度大玻璃窗 可以望到繁忙嘅灣仔,打卡影相仲好靚添!

▼張梳妝檯好有《花樣年華》Feel呀!

▼房間入面嘅每個細節位都係精心設計,無論係大至牆身定係入房卡位,都好有天星小輪嘅影子!

▼連「請勿打擾」位都設計成指南針咁!

▼不得不說啲電掣位真係好隱閉~

【浴室】

▼浴室以祖母綠瓷磚為整體設計,帶有濃濃嘅優雅復古味道~空間感尚可,唔會覺得太逼!

▼盥洗用品好齊全!

▼酒店使用以中藥配方調配嘅「神農氏」浴室用品~

▼Mini bar都幾齊全,有免費TWG茶包同Nespresso咖啡膠囊提供~

【Oysteria Marzia餐飲】

▼今次呢個Weekday package就包埋酒店樓下嘅意大利餐廳Oysteria Marzia嘅$200餐飲券!

▼餐廳入面嘅設計都好靚架!

不過因為今次小編就唔啱時間,就無試到呢間餐廳。但佢地主打經典意式風味,如果有$200餐飲券的話,其實好值得一試!

【小編小評】

呢間酒店係行精品酒店路線,每一個角落都有設計味道,唔單止復古,仲有好香港特色,啱哂同閨蜜入住,齊齊打卡!

可以揀嘅話一定揀最大房型,景色靚好多,空間感大好多~

平日嘅The Fleming Hong Kong最細嘅房型都要千幾蚊起,而家可以用呢個嘅價錢入住CP 值好高!而且佢仲有機會免費升級,同有餐飲券送添!


The Fleming Hong Kong

相關優惠

發佈留言

This site uses Akismet to reduce spam. Learn how your comment data is processed.