去旅行唔使一定搭飛機，入住迪士尼酒店一樣可以享受偽出國奇妙之旅！香港迪士尼樂園度假區酒店推出限時「奇妙住宿優惠」，連續預訂兩晚住宿即享6折起，最平入住迪士尼酒店每晚只係港幣$810起，升級海景客房都係港幣$930起！香港迪士尼樂園度假區酒店內有大量打卡位，入住期間可以享用酒店嘅户外悠閒設施同參與一系列精彩活動，嚟緊可以一家大細入住打卡扮去旅行！優惠賣到去暑假同埋年尾，最平房價數量有限，記得把握機會啊！
今年仲係香港迪士尼樂園15周年慶典，記得去全新「奇妙夢想城堡」朝聖同埋影相留念！6月30日前入住，仲可以去埋樂園「皇室宴會廳」嘅「皇室佳釀美食節」！裡面有創新嘅分子料理、特色飲品、屢獲殊榮嘅環球美食佳餚俾大家品嚐一番！6月30日樂園仲會正式上演全新城堡日間舞台匯演「迪士尼尋夢奇緣 」，表演長度有20分鐘架，適逢其會記得唔好錯過啊！
香港迪士尼酒店「奇妙住宿優惠」套票：
仲未飛到唔緊要，入住香港迪士尼樂園度假區酒店一樣可以偽旅行打吓卡，過返個3日2夜奇妙之旅！推介大家俾多少少升級海景客房，一早起身望到個海一定會有個Good morning！
- 兩晚香港迪士尼樂園酒店/迪士尼探索家度假酒店住宿每晚只係港幣$810 起，連服務費港幣$891起*
- 升級海景客房港幣$930 起，連服務費港幣$1,023起*
- 免費享用酒店廣闊户外悠閒設施
【預訂日期】即日起至6月8日
【入住日期】5月27日至11月29日 (提前一日預訂，香港迪士尼樂園酒店星期六入住除外 )
【預訂詳情】香港迪士尼酒店官網
*優惠只適用於2021年5月27日至11月29日期間之指定日子入住。實際優惠價格將按入住及退房日期、酒店及房間類型、入住人數及於預訂時計算之房間現行定價而定。受條款及細則約束。詳情請瀏覽 www.hongkongdisneyland.com。
米奇擴香石工作坊 – 親手製作充滿迪士尼特色嘅米奇形擴香石
預訂套票即可參與充滿迪士尼特色嘅手作體驗，推介全新「米奇擴香石工作坊」！喺華麗悅目嘅水晶吊燈下，以石膏粉等原材料同模具，由零開始親手製作米奇形擴香石，放入由你設計嘅禮盒帶返屋企，呢個奇妙旅程，真係滿載而歸！
價錢：港幣$250
地點：香港迪士尼樂園酒店水晶吊燈樓梯
小賓客亦可參加酒店免費的手工藝創作，一起發揮想像力及創意，製作獨一無二的迪士尼小手作！
精彩餐飲體驗
酒店亦有一系列充滿迪士尼特色嘅餐飲體驗，包括迪士尼朋友星級點心班連午餐，同埋15周年下午茶敍！迪士尼朋友星級點心班連午餐由晶荷軒舉辦，迪士尼廚師將為你示範同分享製作技巧，等你自己炮製出精美嘅點心！唔使半日就可以製作出造型精緻嘅迪士尼主題美食，製作完成後可以一邊品嚐親手製作、獨一無二嘅點心作品，一邊享用迪士尼特色點心午宴。
另外於即日起至8月1日的週末*，可以同小朋友於翠樂庭餐廳享用環球半自助餐美食，包括各款港式丶亞洲及西式經典美食。
*即日起至8月1日，半自助餐於星期六丶日及公眾假期之午餐時段供應，及於星期五丶六丶日丶公眾假期及公眾假期前夕之晚餐時段供應。
▼大受歡迎的迪士尼朋友會係翠樂庭餐廳驚喜現身，同賓客影相營造歡樂氣氛。
▼ 迪士尼朋友星級點心班連午餐
▼ 15周年下午茶敍
迪士尼樂園15周年慶典 – 奇妙夢想城堡
今年適逢香港迪士尼樂園15周年，全新「奇妙夢想城堡」已經華麗變身！全新城堡設計靈感來自深受喜愛嘅迪士尼公主同女王故事，象徵住勇氣、希望同無限可能！想用相片留住一家人相聚嘅珍貴時光？放心交畀「拍出奇妙」嘅專業攝影師，佢哋會隨行30分鐘，影低一張張珍貴嘅全家幅。
迪士尼樂園度假區酒店玩樂攻略
住得迪士尼酒店，又點止瞓得好咁簡單！酒店為所有住客預備咗一系列精彩活動，入住任何一間酒店即可以享受各種度假區設施 (不包括游泳池)，喺廣闊嘅空間盡情探索！即睇有咩活動或設施喇！
迪士尼朋友太極班
每朝早，迪士尼朋友都會喺演藝人員帶領下，於香港迪士尼樂園酒店同賓客一起耍太極，展開新一天。
米奇迷宮
香港迪士尼樂園酒店設有一個以米奇為設計靈感嘅經典英式花園迷宮，等你同小朋友可以盡情享受迷宮探險嘅樂趣。
酒店設有寬敞嘅室外泳池，坐擁海濱靚景，並設有長40米嘅刺激滑水梯同舒適嘅按摩池。酒店亦設有室內泳池，非常雅致！
迪士尼探索家度假酒店打卡位
迪士尼探索家度假酒店擁有4個不同地域不同主題嘅庭園，並以代表當地嘅迪士尼朋友命名，包括南美「彩鳥古雲庭園」、大洋洲「小海龜庭園」、亞洲大自然「小哈頓庭園」同埋非洲大草原「拉飛奇庭園」。每個庭園都有不同嘅打卡位，大家可以盡情探索同埋發掘！
南美「彩鳥古雲庭園」
亞洲大自然「小哈頓庭園」
非洲大草原「拉飛奇庭園」
另外即日起至6月27日 (逢星期五至日及公眾假期)，香港迪士尼樂園「皇室宴會廳」將會呈獻一場華麗盛大的「皇室佳釀美食節」，提供創新的分子料理、雞尾酒、屢獲殊榮的環球美食佳餚！賓客憑一個電子代幣可換購小食、分子料理、甜品或非酒精飲品。憑兩個電子代幣可換購特色飲品或酒精飲品。
香港迪士尼樂園度假區酒店介紹
今次香港迪士尼樂園酒店同迪士尼探索家度假酒店都有優惠！兩間都有唔同風格，香港迪士尼樂園酒店以中古世紀莊園為設計，客房內採用維多利亞風格嘅木製傢俱；迪士尼探索家度假酒店則充滿異國風情，令入住嘅賓客沉醉於自然景致同多國文化中。
▼香港迪士尼樂園酒店
地址：香港迪士尼樂園度假區 (地圖)
電話：3510 6000
香港迪士尼樂園酒店官網
▼ 迪士尼探索家度假酒店
地址：香港迪士尼樂園度假區 (地圖)
電話：3510 2000
迪士尼探索家度假酒店官網