最近瑞士終於開關，終於有機會再次為大家直擊旅遊資訊！小編都知道大家好好奇當地嘅情況係點同埋入境/出境程序、準備、機票酒店，同埋當地防疫等資訊，即睇以下QnA啦！
【解封開關】各地解封消息持續更新，芬蘭全面開關、加拿大、歐盟有條件入境，就快可以去澳門？
準備篇：
回程需要隔離幾多日？
答案：香港政府最新公布，於8月20日起收緊包括瑞士等16個海外地區到港人士的登機、檢疫及檢測要求，將由B組 (中風險地區)，提升至A組 (高風險級別)，抵港後須於指定酒店強制檢疫21日，期間接受4次檢測，其後7日自行監察，抵港後第26日須到社區檢測中心做檢測。
如在8月20日前抵港：如果無打針的話，旅客需要在返港後於指定嘅檢疫酒店隔離21日。若果旅客已接種兩劑新冠疫苗，旅客需要在返港後於指定嘅檢疫酒店隔離14日。果旅客除已接種兩劑新冠疫苗，並完成抗體測試 (三個月有效期)，回港後只需於指定嘅檢疫酒店隔離7日。
問題：入境前需唔需要簽證？駛唔駛預先申請咩文件？定係帶所謂『針卡』過就得?
答案：唔需要簽證，但航班check in時前需要出示針卡，並填寫網上入境表格，亦可於香港機場領取。 建議先攞完機票再於禁區內填寫，因報告中需填寫飛機上座位編號。
問題：係咪要一定要打針先去得？
答案：不一定，因為香港屬於低風險地區，入境瑞士不需要打針和隔離。如果無打針只需要提前做檢測。但留意香港政府於8月16日公布，將於8月20日起收緊16個海外地區到港人士的登機、檢疫及檢測要求，包括瑞士，將由B組 (中風險地區)，提升至A組 (高風險級別)，抵港後須於指定酒店強制檢疫21日，期間接受4次檢測，其後7日自行監察，抵港後第26日須到社區檢測中心做檢測。
問題：酒店同機票有無貴左？多唔多選擇？
答案：酒店同機票價錢同選擇都無太大變動
【2021香港酒店優惠】十大酒店優惠Staycation！香港酒店住宿套票特價整合
當地防疫篇：
問題：當地要唔要戴口罩？當地有咩防疫措施，旅客有咩要注意？駛唔駛裝類似安心出行?
答案：室內公共場所，包括交通工具及車站，一定要戴口罩。而室外冇規定一定要戴，所以行山等郊外活動係可以唔戴口罩。餐廳進食時亦可以除口罩，離開座位時需要戴返。餐廳會要求同枱其中一人留聯絡邊法，in case有事可以聯絡。另外需要1.5m社交距離。瑞士無類似安心出行apps，不過可以下載SwissCovid App，知道附近有冇人曾受到感染。
問題：當地人對再次開關有咩睇法？會唔會歧視東方人？
答案：無特別睇法，因為一直都有旅客入境，不覺得有歧視情況
問題：公眾地方的防疫措施跟香港比如何？
答案：無太大分別。當地市民都較為自律，於公眾地方都會自覺帶囗罩，而且疫苗接種率較高，超過一半市民已完成兩劑疫苗接種。
問題：如果在瑞士旅遊期間染病， 要強制在當地醫院隔離嗎？
答案：一旦染病，必須自我隔離十日，旅客可選擇係酒店隔離，而不需要在當地醫院隔離。除非感覺好唔舒服，亦可以選擇去醫院自我隔離十日。旅客若想知道自己是否染疫，建議直接詢問酒店進行檢測安排或自行於藥房購買，而非當地診所。
旅遊資訊篇：
問題：旅客坐火車可唔可以過境去其他國家？
答案：國與國之間沒有邊境關卡，可以過境去其他地方，但要注意當地嘅入境條例，例如瑞士接受科興，但法國不接受，所以打科興入境瑞士嘅遊客唔可以過境去法國；部分酒店也只接受完成疫苗接種嘅旅客。
問題：景點有無開？
答案：所有景點包括市集、博物館、遊客區等等已恢復正常。不過有人數限制，大約係原本嘅50-75%，可能要排隊耐啲。
問題：景點係咪好少人？
答案：當地景點仲有無中國旅客有其他遊客嗎？來自咩地方？ 唔算好多人，基本上最多都係本地遊客，其次就係德國及奧地利嘅遊客，亞洲面孔非常少。
▼Mountain Rigi
回程篇：
問題：ZRH 機場係咪可以做符合香港政府ISO要求嘅PCR test？
答案：有讀者指出ZRH機場不可以做符合香港政府ISO要求嘅PCR test。回程時航空公司會要求提供72小時PCR陰性報告，但遊客可以去ZRH機場Checkport進行檢測，做完檢測之後最快5小時之內有報告。檢測報告會發送至旅客嘅郵箱內，旅客需將報告列印。
▼瑞士出入境程序、準備、機票酒店、景點資訊一覽
