平時想換機票，最怕就係里數唔夠或者想飛位已滿？其實國泰航空官網「里數加現金」，就最岩以上旅人！好多人以為呢個功能令里數貶值一定唔抵，但其實係大錯特錯！特別係國泰推出機票優惠時，用「里數加現金」所需嘅里數隨時同標準獎勵機票差唔多，仲邊賺會籍積分同里數，絕對係保住會籍嘅跑分神器！
【里數攻略】國泰「里數加現金」功能！賺會籍積分兼里數！
國泰航空「里數加現金」功能適合差少少里數先夠換機票及無需再等放位嘅旅人，或等到國泰推出機票優惠時，用「里數加現金」兌換，所需嘅里數隨時同標準獎勵機票差唔多，仲有得賺會籍積分同里數，壓低成本又可以跑會籍！
點解要用「里數加現金」理由：
- 航班日期超彈性：無需苦等兌換機票名額！只要係發售中嘅機位都可以用到，可以用里數抵扣票價，旺季出發、心水航班通通任你揀。
- 里數不足嘅救星：差幾千里先換到機票？唔使等信用卡慢慢轉分，直接用「里數加現金」抵扣差額，里數即時當錢使。
- 特價期間隨時更抵： 當國泰有機票或各類優惠時，機票原價平咗，所需嘅里數亦會跟住減。同平時淨里數兌換機票其實相差無幾！
- 賺里數兼賺會籍積分： 呢個係最重要嘅優點！只用淨里數兌換機票係無里數同 Status Points 賺，但用「里數加現金」買飛，就可以賺到里數同會籍積分，幫你極速升級會籍！
- 信用卡額外賺：使用渣打國泰 Mastercard 支付稅項及餘額，都可以賺到里數。
里數加現金 vs 淨里數兌換機票
小編幫大家搵咗幾個熱門航點做對比，睇下「里數加現金」點樣幫你慳錢兼賺分（以單人來回連稅計）：
| 航點 | 「里數加現金」抵票價所需里數 | 淨里數兌換機票所需里數 | 額外收穫 (賺取) |
| 台北 | 13,645 里 | 14,000 里 | 賺 6 Status Point + 600 里 |
| 東京 | 32,206 里 | 26,000 里 | 賺 16 Status Point + 1,600 里 |
| 大阪 | 31,153 里 | 26,000 里 | 賺 16 Status Point + 1,600 里 |
| 倫敦 | 60,650 里 | 54,000 里 | 賺 36 Status Point + 3,600 里 |
▼以香港來回台北為例，以「里數加現金」方式購買需要大約13,645里加$764稅項，而飛行獎勵機票需要14,000 里，用呢個方法買機票更加抵，仲賺返600里數同6會籍積分添！
