其實 Asia Miles 唔止可以換國泰航班，喺 HK Express 同樣行得通，甚至可以買到一堆國泰都無嘅航點，包括沖繩、高松、仙台及富國島等！最正係 HK Express 嘅「里數加現金」功能非常靈活，除咗買機票，仲可以用里數加錢買埋寄艙行李、預選座位同餐飲服務等，最低只需1,000里已經可以用！內文教大家用里數買 HK Express 機票，彈性飛去各個亞洲熱門航點出遊啦！
【里數攻略】教你「里數加現金」買亞洲熱門航點！最平1,000里起買機票、行李、座位同餐飲服務！
使用 HK Express 嘅「里數加現金」功能非常靈活，除咗買機票，仲可以用里數加錢買寄艙行李、預選座位同餐飲，最低只需1,000里已經可以用！
點解要用「里數加現金」買 HK Express？
- 買到國泰飛唔到嘅亞洲熱門航點：
HK Express 有好多亞洲熱門航點，國泰係無直航㗎！好似沖繩、高松、仙台、富國島、台中及釜山等，可以用「里數加現金」兌直飛 (最少需使用2,000里*，付款頁面選擇「里數加現金」！)，隨時去東北食牛舌、或去越南唯一免簽證旅遊熱點等！
- 連「附加服務」都買得：
唔單止機票，連寄艙行李、預選座位同餐飲服務，通通可以用「里數加現金」支付 (「管理我的訂單」或「網上辦理登機」時加購，最少需使用1,000里*！)！
*其他稅項及附加費必須以現金支付。
小編私心推介兌換法：
小編平時用「里數加現金」買 HK Express 獨家航點同旺季日子出發，另外有時都會用嚟買前排座位坐得舒服啲。如果同屋企人出門，亦會買標準座位一齊坐，同埋買埋餐飲，俾佢地喺機上食個熱辣辣嘅咖喱牛腩飯或者一口爆湯生煎包！
三步教你綁定帳戶：
想用里數？記得先將 MyUO 同 國泰會員帳戶 綁定：
1.登入 HK Express 官網，透過「我的國泰會員帳戶」選項將你的國泰會籍綁定至MyUO賬戶。
2.確保你 MyUO 登記嘅姓名、電郵同電話號碼同國泰帳戶完全相同。
3.如果你 MyUO 以前得電郵，記得去「帳戶更新」驗證埋電話號碼 (要同國泰帳戶一樣)，咁先可以成功綁定！