韓國一到冬天，就由繽紛秋色換上銀白色雪景！永安旅遊聯乘韓國觀光公社，今季以冬季韓國地方遊為主題，集合韓國來回機票、酒店、自由行套票及旅行團等。除了首爾購物食美食，今個冬天不妨走遠一點，到江原道滑雪、雪嶽山賞雪，或者到釜山歎海鮮、濟州食黑豚，感受韓國各地不一樣的冬日風景。
【永安旅遊 × 韓國觀光公社】冬季韓國機票、酒店及自由行套票推介
今次活動涵蓋首爾、釜山、濟州及大邱等熱門韓國航點，除了機票及酒店，亦有機票＋酒店自由行套票、韓國旅行團及當地玩樂產品，適合想自由行、滑雪、賞雪或者一家大小冬遊韓國的旅客。
首爾機票優惠
- 香港航空首爾來回機票$1,948 起
- 易斯達航空首爾來回機票$1,454 起
- 大韓航空首爾來回機票$2,459 起
- 韓亞航空首爾來回機票$2,421 起
- 國泰航空首爾來回機票$2,646 起
- HK Express 首爾來回機票$1,661起 (不連寄艙行李)
韓國地方機票優惠
- HK Express 釜山來回機票$1,364 起 (不連寄艙行李)
- HK Express 大邱來回機票$1,440 起 (不連寄艙行李)
- 真航空濟州來回機票$1,354 起
精選韓國酒店推介
想主力玩首爾，可以揀明洞、東大門、弘大或麻浦一帶酒店，方便購物食飯；準備滑雪或賞雪，亦可以考慮將部分住宿安排喺江原道附近。
- 【首爾】麻浦魯內酒店$1,569 起
- 【釜山】海雲台温德姆華美達安可酒店$894 起
- 【濟州】天狼星酒店$638 起
- 【大邱】伊爾迪斯麗晶酒店$820 起
機票＋酒店自由行套票推介
唔想逐樣分開訂，機票＋酒店自由行套票就比較方便，一次過安排交通同住宿外，亦容易控制整體旅行預算。
- 【首爾 MAGOK 美居大使酒店】首爾自由行套票每人$3,292 起
- 【首爾麻浦樂天城市酒店】首爾自由行套票每人$3,441 起
- 【釜山萬楓酒店】釜山自由行套票每人$3,527 起
- 【濟州博爾頓酒店】濟州島自由行套票每人$2,458 起
冬季韓國必玩攻略：賞雪、滑雪、美食一次過
韓國冬季一般由12月至翌年2月，平均氣溫約0至1°C，部分日子更會跌至零度以下。冬天除咗可以睇雪景，更係滑雪、浸溫泉、歎熱湯料理嘅好季節。出發時建議準備厚外套、頸巾、手套及防滑保暖鞋。
1. 江原道：冬季韓國必去滑雪勝地
想真正感受韓國冬天，江原道可以話係重點目的地。當地冬季降雪較多，平昌、江陵、旌善一帶曾舉辦 2018 年冬季奧運，加上多個大型滑雪度假村，無論初學者定滑雪高手都可以搵到適合自己嘅場地。
龍平度假村
龍平度假村係韓國歷史悠久嘅大型滑雪場，場內設有28條雪道及14條纜車，由初級至高級雪道都有，適合一家大小或者第一次去韓國滑雪嘅旅客。
鳳凰島平昌滑雪場
鳳凰島平昌滑雪場曾經係2018年冬奧自由式滑雪及單板滑雪比賽場地，場內設有跳台及各類道具設施，鍾意Snowboard或者想感受冬奧級雪場氣氛嘅朋友可以留意。
阿爾卑西亞
位於平昌約海拔700米位置，設有冬季運動相關設施，周邊雪景開揚，適合配合平昌、江陵一帶安排兩日一夜或三日兩夜冬季行程。
維利希利度假村滑雪場
位於江原道橫城，最高點約海拔896米，設有20條雪道，最長雪道達2.6公里，同時備有多條纜車，適合想專程安排滑雪假期嘅旅客。
各滑雪場開放日期及營運安排會受天氣及雪況影響，出發前應再次查看官方公布。
2. 雪嶽山：搭纜車睇冬日雪山
位於江原道束草嘅雪嶽山國立公園以壯觀花崗岩山峰聞名，踏入冬季後群山覆上白雪，形成韓國代表性冬季景觀。可以乘搭纜車前往權金城附近，從高處欣賞雪山景色。想將行程排得豐富啲，可以考慮「首爾＋江原道」玩法，先喺首爾購物食炸雞，再安排一至兩日到江原道滑雪或賞雪。
3. 德裕山：追霧淞雪景
全羅北道嘅德裕山係另一個人氣冬季賞雪目的地。最高峰香積峰海拔約1,614米，冬季氣溫低，山頂樹木容易形成霧淞，成片樹枝披上白色冰晶，形成如冰雪世界一樣嘅畫面。可以乘搭纜車到雪川峰附近，再欣賞山脊一帶嘅雪景及霧淞，對唔想長時間雪地健行嘅旅客相對友善。
4. 平昌三養 Roundhill：一望無際銀白雪原
鍾意影相嘅朋友可以將三養 Roundhill 加入行程。呢度位於平昌大關嶺一帶，本身係大型牧場，冬天降雪之後，大片草原會變成銀白雪地，再配合山坡上嘅風力發電風車，形成非常開揚嘅冬日景色。特別適合想影雪原、風車及冬日自然風景嘅旅客。
5. 南怡島：經典韓劇冬日氣氛
第一次冬遊韓國，又唔想行程太辛苦，可以考慮由首爾出發去南怡島。南怡島最大特色係島上成排筆直樹木，積雪之後兩旁樹林配合白色小徑，十分有冬日氣氛。《冬季戀歌》亦曾經喺島上取景，至今仍然係人氣韓劇打卡地。如果只有3至5日假期，亦可以安排首爾＋南怡島，毋須頻繁轉酒店，相對適合短線自由行。
